ჯოხარ დუდაევი: განსხვავება გადახედვებს შორის

[[1991]] წლის [[27 ოქტომბერი|27 ოქტომბერს]] გამართულ არჩევნებში სახელმწიფოს მეთაურად აირჩიეს ჯოხარ დუდაევი. ჩეჩნეთის ამ ნაბიჯმა აღაშფოთა კრემლის მესვეურნი და [[1991]] წლის [[8 ნოემბერი|8 ნოემბერს]] [[რუსეთი]]ს პრეზიდენტმა [[ბორის ელცინი|ბორის ელცინმა]] გამოსცა ბრძანება რესპუბლიკის ტერიტორიაზე საგანგებო მდგომარეობის შემოღების შესახებ. საპასუხოდ დუდაევმა საკუთარ ქვეყანაში [[საომარი მდგომარეობა]] გამოაცხადა და გასცა ბრძანება თავდაცვის შეიარაღებული რაზმების გაშლის თაობაზე. [[1991]] წლის [[9 ნოემბერი|9 ნოემბრის]], გამთენიისას [[ხანკალა]]ს [[აეროდრომი|აეროდრომზე]] დაფრინდა რუსეთის რვა [[სამხედრო-სატრანსპორტო თვითმფრინავი]] შეიარაღებული რუსი ჯარისკაცებით, მაგრამ ეროვნული გვარდიის და მილიციის ნაწილების მიერ აეროდრომი ალყაში იქნა მოქცეული. პარალელურად, დაცვის ქვეშ იქნა აყვანილი დედაქალაქისკენ მიმავალი ყველა გზა; ათიათასობით ადამიანმა იწყო თავმოყრა [[გროზნო]]ს ცენტრში, რომლებიც მზად იყვნენ დაეცვათ ქვეყნის სუვერენიტეტი.

 

 

დაუძლურებული საბჭოთა რუსეთის იმპერია იძულებული გახდა დაჰყოლოდა თავისუფლებისმოყვარე ხალხის ნებას. თუმცა, კრემლი საგულდაგულოდ ემზადებოდა რევანშისთვის და [[1994]] წლის დეკემბერში,[[რუსეთი]] ომის გამოუცხადებლად შეიჭრა ჩეჩნეთის რესპუბლიკა — იჩქერიაში, სადაც შეიყვანა 30 ათასი [[ჯარისკაცი]], 230 [[ტანკი]], 450 [[ჯავშანტრანსპორტიორი]]. ამ მომენტიდან იწყება [[რუსეთ-ჩეჩნეთის პირველი ომი]]. აქტიურად იბომბება დედაქალაქი - გროზნო, რომელიც რუსებმა პრაქტიკულად აღგავეს პირისაგან მიწისა; პარალელურად რუსეთის სპეცსამსახურები სულმოუთქმელად ნადირობენ პრეზიდენტ დუდაევზე. [[1996]] წელს, ულტრათანამედროვე აპარატურის მეშვეობით მოხდა პრეზიდენტის მობილური სატელეფონო საუბრის გადატაცვა და მის მისამართით გაგზავნილ იქნა ზესიზუსტის მქონე რაკეტა. ჯოხარ დუდაევი ვერაგულად მოკლეს სოფელ [[გეხი-ჩუ]]ს სიახლოვეს. მის პატივსაცემად დედაქალაქ [[გროზნო]]ს ეწოდა '''ჯოხარ-ღალა'''.