'''ლეონ II''', — [[აფხაზთა სამეფო |აფხაზთა სამეფოს]] (დასავლეთ საქართველოს) პირველი მეფე, [[ლეონ I (აფხაზეთი)|ლეონ I-ის]] ძმისწული. დაახლოებით [[753]]-იდან იყო აფხაზეთის მემკვიდრეობითი ერისთავი (მთავარი) და ითვლებოდა [[ბიზანტია|ბიზანტიის]] იმპერატორის ვასალად. VIII საუკუნის უკანასკნელ მეოთხედში ისარგებლა ბიზანტიის იმპერიის დასუსტებით, დაიხმარა ხაზართა ხაკანი (რომლის ასული მისი დედა იყო), აუჯანყდა იმპერატორს და თავი მეფედ გამოაცხადა. ახალმა სამეფომ, რომელიც მთელ დასავლეთ საქართველოს მოიცავდა, სამეფო დინასტიის მიხედვით "აფხაზთა სამეფოს" სახელწოდება მიიღო. ლეონ II-მ სამეფოს დედაქალაქად ქუთათისი ([[ქუთაისი]]) გამოაცხადა. ლეონ II-ის დროიდან მტკიცე საფუძველი ჩაეყარა დასავლეთ საქართველოს ეკლესიაში აღმოსავლეთ საეკლესიო ტრადიციების დამკვიდრებას.
==ლიტერატურა==
{{ქსე|6|191|გუჩუა ვ.}}
* ''გუჩუა ვ''., ქსე, ტ. 6, გვ. 191, თბ., 1983
* მატიანი ქართლისა. ქართლის ცხოვრება, ს. ყაუხჩიშვილის გამოც, ტ.1, თბ. 1955.
