გიული ალასანია: განსხვავება გადახედვებს შორის

[[1969]] წელს დაამთავრა [[თბილისის სახელმწიფო უნივერსიტეტი|თბილისის სახელმწიფო უნივერსიტეტის]] აღმოსავლეთმცოდნეობის ფაკულტეტის თურქეთის ისტორიის განყოფილება. [[1969]]-[[2006]] წლებში მუშობდა [[ივანე ჯავახიშვილის სახელობის ისტორიისა და ეთნოლოგიის ინსტიტუტი|ივ. ჯავახიშვილის სახელობის ისტორიისა და ეთნოლოგიის ინსტიტუტის]] საქართველოს ძველი და შუა საუკუნეების ისტორიის წყაროთმცოდნეობის განყოფილებაში უმცროს მეცნიერ თანამშრომლად (1969-1975), უფროს მეცნიერ თანამშრომლად (1975-1989) და ამავე განყოფილების გამგედ (1989-2006). [[1973]] დაიცვა საკანდიდატო, ხოლო [[1987]] წელს - სადოქტორო დისერტაციები. არის [[საქართველოს მეცნიერებათა აკადემია|საქართველოს მეცნიერებათა აკადემიის]] საქართველოს ისტორიის წყაროების შემსწავლელი კომისიის წევრი. [[1990]]-[[2005]] წლებში იყო თსუ-ის ახლო აღმოსავლეთის ისტორიის კათედრის პროფესორი. იყო თბილისის [[შავი ზღვის საერთაშორისო უნივერსიტეტი|შავი ზღვის საერთაშორისო უნივერსიტეტის]] პრორექტორი. [[2006]]-იდან არის [[საქართველოს უნივერსიტეტი|საქართველოს უნივერსიტეტის]] (2007 წის ოქტომბრამდე საქართველოს საზოგადოებრივ მეცნიერებათა უნივერსიტეტი) სამეურვეო საბჭოს თავმჯდომარე, ხოლო [[2005]]-იდან საერთაშორისო ასოციაციის "ქართული კულტურა საქართველოში და მის ფარგლებს გარეთ" პრეზიდენტი. გამოქვეყნებული აქვს 100-ზე მეტი სამეცნიერო შრომა (მათ შორის 10-მდე მონოგრაფია) საქართველოს შუა საუკუნეების ისტორიისა და წყაროთმცოდნეობის საკითხებზე. მრავალი საერთაშორისო სამეცნიერო და კულტურული ფორუმის (მათ შორის, ფესტივალის "ჩვენებურები") მონაწილე და ორგანიზატორი.