'''ნიკოლოზ VII''' ('''ბაგრატიონი'''), აღმოსავლეთ [[საქართველო]]ს [[კათოლიკოს-პატრიარქი]] [[1584]]-[[1589]] წლებში, კახთა მეფის ლევანის ძე. თავის ძმას, კახეთის მეფეს ალექსანდრე II-ს ხელახლა დაამტკიცებინა კახური მამულების დიდი სიგელი. [[1589]] წელს ქართლის მეფის სიმონ-I-ის დავალებათა და ხარჯით აღადგინა ხელნაწერი წიგნი "სჯულის კანონი".
'''ნიკოლოზ VIII''' (გვარად '''ამილახვარი''') (― † [[1705]]), აღმოსავლეთ [[საქართველო]]ს [[კათოლიკოს-პატრიარქი]] [[1678]]-[[1688]] და [[1692]]-[[1695]] წლებში. კახეთის მეფემ ერეკლე I-მა ორჯერ დაიკავა ქართლი, ორჯერვე გადააყენა ნიკოლოზ VIII და მის მაგიერ თავისი ბიძა იოანე დანიშნა. ვახტანგ VI-მ [[1705]] წელს სცადა ნიკოლოზ VIII აღდგენა, მაგრამ იგი საეკლესიო წრეებმა უარყვეს. [[1687]] წელს ნიკოლოზ VIII-ს შეუდგენია თავისი ნაშრომ-ნაღვაწის აღმნუსხველი დოკუმენტი, რომლიდანაც ირკვევა, რომ მას მცხეთის მეურნეობის აღდგენისა და სასოფლო ეკლესიების მშენებლობისათვის დიდი სამუშაო შეუსრულებია: აღუდგენია სასახლეები, აუშენებია მარნები, წისქვილები, გაუშენებია ზვრები, ბაღები, გაუყვანია სარწყავი არხები, აღუდგენია ნასოფლარები და სხვ.
