'''თბილისის ქაშვეთის წმინდა გიორგის ეკლესია''' — ტაძარიქართული ხუროთმოძღვრების ძეგლი [[თბილისი|თბილისში]]. აგებულია [[1904]]-[[1910]] წლებში ძველი ეკლესიის ადგილზე. ადრე აქ იდგა [[დავით გარეჯელი|დავით გარეჯელის]] სახელთან დაკავშირებული უძველესი ტაძარი, რომელიც XVIII საუკუნეში ამილახვრების აგებულმა აგურის ეკლესიამ შეცვალა.
XIX საუკუნის მიწურულს ისიც დაზიანდა. ქაშვეთის მაშინდელმა წინამძღვარმა, მარკოზ ტყემალაძემ და ტაძრის მესვეურებმა ახალი შენობის აგება გადაწყვიტეს. პროექტი შეადგინა არქიტექტორმა ლ. ბილფელდმა, რომელმაც ნიმუშად [[სამთავისი (ტაძარი)|სამთავისის ტაძარი]] გამოიყენა. ფასადის მდიდრული ჩუქურთმა [[ნეოფიტე აგლაძე]]ს ეკუთვნის. თუმცა ტაძარში უხვადაა ძველი ქართული ხელოვნებისათვის უცხო ეკლექტიკური ხასიათის ელემენტები, მაგრამ მას ბევრი ღირსებაც აქვს. ქაშვეთი კარგად არის შეხამებული ადგილმდებარეობასთან და თავისი სილუეტით მნიშვნელოვანი ადგილი უჭირავს ქალაქის ცენტრის ანსამბლში. [[1947]] წელს ქაშვეთის ტაძარი [[ლადო გუდიაშვილი|ლადო გუდიაშვილმა]] მოხატა.
