'''ფურისულასებრნი''' ({{lang-la|Primulaceae}}) — [[ორლებნიანნი|ორლებნიან მცენარეთა]] [[ოჯახი (ბიოლოგია)|ოჯახი]], [[მრავალწლოვანი მცენარეები|მრავალწლოვანი]] ან [[ერთწლოვანი მცენარეები|ერთწლოვანი]] ბალახებია. უმეტესად მარტივი [[ფოთლები |ფოთლები]] აქვთ. [[ყვავილი]] ორსქესიანია, აქტინომორფული, იშვიათად ზიგომორფული. ყვავილი, ჯამის ფოთლები და [[გვირგვინი (ბოტანიკა)|გვირგვინი]]ს ფურცლები ერთმანეთთან შეზრდილია. ნასკვი ზედა, იშვიათად ნახევრად ქვედა, ერთბუდიანია. [[ნაყოფი (მცენარე)|ნაყოფი]] — მრავალთესლიანი [[კოლოფი]]. ფურისულასებრნი მოიხავს 30 [[გვარი (ბიოლოგია)|გვარი]]ს 1000-მდე [[სახეობა]]ს. გავრცელებულია მთელ მსოფლიოში, უპირატესად ჩრდილო ნახევარსფეროს ზომიერი და ცივი ჰავის ქვეყნებში. [[საქართველო]]ში ტგვხვდება 7 გვარის 46 სახეობა, მათგან ერთი მონოტიპური გვარია (Sredinskya) და 18 სახეობა კავკასიის [[ენდემები|ენდემი]]. საქართველოში სახეობათა უმეტესობა გავრცელებულია მაღალმთის მდელოებზე და [[ტყე]]ებში. მრავალი სახეობა, განსაკუთრებით [[ფურისულა]]ს და [[ყოჩივარდა |ყოჩივარდა]]ს გვარისა, [[დეკორატიული მცენარეები|დეკორატიულია]]. ცნობილია მრავალი კულტურის ფორმა.
