'''მარილები''' [[ქიმია|ქიმიაში]] იონური შენაერთებია, რომლებიც [[მჟავა]]სა და [[ფუძე]]ს შორის [[ნეიტრალიზაცია|ნეიტრალიზაციის]] რეაქციით მიიღება. მარილები შედგებიან [[კათიონები]]ს (დადებითად დამუხტული იონები) და [[ანიონები]]სგან (უარყოფითი [[იონები]]), რომელთა შერწყმით ნეიტრალური პროდუქტი მიიღება. ეს კომპონენტი იონები შეიძლება იყოს არაორგანული (Cl<sup>−</sup>) ან ორგანული (CH3COO<sup>−</sup>), ერთატომიანი (F<sup>−</sup>) ან მრავალატომიანი (SO<sub>4</sub><sup>2−</sup>). კათიონები შეიძლება იყვნენ [[მეტალი]]ს იონები, ამონიუმის იონი (NH<sub>4</sub><sup>+</sup>), კომპლექსური კათიონები და ა.შ. ანიონები კი ორგანულ და არაორგანულ მჟავათა ნაშთები.
მარილებს, რომლებიც ხსნარში დისოციაციისას გამოყოფენ [[ჰიდროქსილი]]ს იონს ’’ფუძე მარილები’’ ეწოდებათ, ხოლო მარილებს, რომლებიც ხსნარში დისოციაციისას გამოყოფენ [[წყალბადის]] კათიონს - ’’მჟავა მარილები’’, დანარჩენებს - ’’საშუალო მარილები’’.
== ნომეკლატურა ==
მარილთა სახელები მიიღება მისი შემადგენელი იონების სახელებიდან. ჯერ იწერება კათიონის დასახელება, შემდეგ ანიონის (მაგ. [[ნატრიუმის ქლორიდი]])
