ჭრილობა: განსხვავება გადახედვებს შორის

ნაჩხვლეტ ჭრილობას იწვევს წვეტიანი იარაღი: [[ნემსი]], [[ლურსმანი]], [[ხიშტი]], [[სადგისი]], [[ხანჯალი|ხანჯლის წვერი]], ლითონის ჩხირი და სხვა. ასეთი ჭრილობა მეტად სახიფათოა ქსოვილების სიღრმესა და ღრუებში ([[გულმკერდის ღრუ|გულმკერდის]], [[მუცლის ღრუ]]ს) მდებარე ორგანოების დაზიანების თვალსაზრისით. სამწუხაროდ, ასეთი სახის ჭრილობის გარეგნული სახე ხშირად არ იძლევა საჭირო მონაცემებს დიაგნოზის დასადგენად. ასეთი ავადმყოფები დაუყოვნებლივ უნდა გადაიგზავნონ საავადმყოფოში. გაპობილ ჭრილობას იწვევს გამპობი იარაღი, ნაჯახი, ხმალი და სხვა. ასეთი სახის ჭრილობები მეტად პირღიაა და ზოგჯერ ძვლამდეც აღწევს. ჭრილობის კიდეების არეში ქსოვილები დაჟეჟილი და დაჩეჩქვილია, რის გამოც მისი მკურნალობა საკმაოდ რთულია. ცეცხლნასროლ ჭრილობებს ცეცხლსასროლი იარაღი იწვევს. ასეთ ჭრილობებს ტყვიით მიყენებული ჭრილობების გარდა მიეკუთვნება [[ყუმბარა|ყუმბარისა]] და [[ნაღმი]]ს ნამსხვრევებით გამოწვეული ჭრილობები. მოწამლულ ჭრილობას იწვევს ჭრილობაში მოხვედრილი [[გველი]]ს, [[მორიელი]]ს, [[ფუტკრი]]ს, [[კრაზანა]]ს შხამი და სხვა მომწამვლელი ნივთიერებები). ნაკბენი ჭრილობა გამოწვეულია ცხოველისა ([[ძაღლი]]ს, [[მგელი|მგლის]], [[ცხენი]]ს და სხვა) და ადამიანის კბილებით. მძიმე დაზიანებას იწვევს ცხოველის ეშვები. ნაკბენი ჭრილობა ყოველთვის ინფიცირებულია ნერწყვით. სწრაფად ვითარდება [[ანთება|ანთებითი]] რეაქცია. ჭრილობის შეხორცება ყოველთვის ჭიანურდება. ცოფიანი ძაღლის ნაკბენი იწვევს მძიმე დაავადებას - [[ცოფი|ცოფს]], [[ვირთაგვა]]ს ნაკბენი - ზოგჯერ [[სოდოკუს დაავადება]]ს და სხვა.