'''ლონდა (ლამარა) ევგენის ასული ღვალაძე-ჭაბუკიანი''' (დ. [[19281 თებერვალი]] წ., [[1 თებერვალი|1 თებერვალს1928]], ქ. [[თბილისი]]) არის [[ქართველები|ქართველი]] თეატრმცოდნე და ქართული სასცენო მეტყველების პედაგოგი. დაიბადა თბილისში, 1920-1930-იანი წლების ეროვნულ-განმათავისუფლებელი მოძრაობის თვალსაჩინო მოღვაწის [[ევგენ ღვალაძე|ევგენ (გენო) ღვალაძის]] (1900-1937) და ცნობილი მკვლევარ-ბიბლიოგრაფის და პედაგოგის [[თამარ ღვალაძე|თამარ კუცია-ღვალაძის]] (1902-1986) ოჯახში. აღსანიშნავია, რომ მისი ნათლია იყო გამოჩენილი ქართველი მწერალი [[გრიგოლ რობაქიძე]].
== ბიოგრაფია ==
ლონდა ღვალაძემ დაამთავრა [[თეატრალური ინსტიტუტი|თბილისის შოთა რუსთაველის სახელობის თეატრალური ინსტიტუტისინსტიტუტი]]ს სამსახიობო ([[1949]]) და თეატრმცოდნეობის ([[1951]]) ფაკულტეტები. [[1949]]-[[1950]] იყო თბილისის [[კოტე მარჯანიშვილის სახელობის სახელმწიფო აკადემიური თეატრი|კ. მარჯანიშვილის სახელობის სახელმწიფო აკადემიური თეატრის]] მსახიობი, ხოლო [[1951]]-[[1965]] წლებში საქართველოს კულტურის სამინისტროს ხალხური შემოქმედების რესპუბლიკური სახლის (ამჟამად [[ფოლკლორის ეროვნული ცენტრი]]) თეატრალური განყოფილების მეთოდისტი და ამავე განყოფილების გამგე. [[1975]]-[[1995]] - საქართველოს კულტურის სამინისტროს [[თბილისის საესტრადო საცირკო და საესტრადო ხელოვნების სახელმწიფო სასწავლებელი|თბილისის საცირკო და საესტრადო ხელოვნების სახელმწიფო სასწავლებლისსასწავლებლი]]ს ქართული სასცენო მეტყველების უფროსი მასწავლებელი. მან აღზარდა ქართული ესტრადის და სასცენო მეტყველების არაერთი ცნობილი ოსტატი (მათ შორის, ელდინო საღარაძე, ლიზა ბაგრატიონი და სხვანი). მის მიერ არის შედგენილი და მისი რედაქციით გამოიცა ხალხური შემოქმედების რესპუბლიკური სახლის არაერთი კრებული თვითმოქმედი თეატრალური კოლექტივებისათვის. მასვე ეკუთვნის 30-ზე მეტი პიესის და რამდენიმე ლიბრეტოს ქართული თარგმანები. [[1961]] გამომცემლობამ "ხელოვნება" გამოსცა ლ. ღვალაძე-ჭაბუკიანის მონოგრაფია "საქართველოს სახალხო თეატრები". [[1960]] ხალხური შემოქმედების რესპუბლიკურმა სახლმა გამოსცა "მეთოდური მასალების კრებული თვითმოქმედი კოლექტივების დასახმარებლად", რომელშიც შესულია ლ. ღვალაძის და ვ. ლოლაძის მეთოდური სახელმძღვანელო "სპექტაკლის დამდგმელთა დასახმარებლად".
