'''ფარმაკოლოგია''' ([[ბერძნ.]] φάρμακον - ფარმაკონ, წამალი; -λογία - ლოგია, სწავლება, მოძღვრება) ანუ— წამლების შესახებ სწავლება ანუ წამალთმცოდნეობა წარმოადგენს ფუნდამენტური [[მედიცინა|მედიცინის]] დარგს , რომელიც შეისწავლის დაავადებათა სამკურნალო (ან პროფილაქტიკური) საშუალებების (წამლების) ცოცხალ ორგანიზმზე მოქმედების მექანიზმებს და ეძიებს ახალ ეფექტურ სამკურნალწამლო საშუალებებს. ამასთან ფარმაკოლოგიის ამოცანაა პრაქტიკაში ხმარებული პრეპარატების ფუნდამენტური, გაღრმავებული, მეცნიერული კვლევა: [[ორგანო|ორგანოს]], ქსოვილის, [[უჯრედი|უჯრედის]], სუბუჯრედული სტრუქტურების, [[რეცეპტორი|რეცეპტორების]], [[იონი|იონებისა]] და [[ფერმენტი|ფერმენტების]] დონეზე.<br />
ტერმინი ფარმაკოლოგია სათავეს იღებს [[ეგვიპტური ენიდანენა|ეგვიპტური ენიდან]], სადაც [[იეროგლიფი]] '''ფარ'''-'''მაკი''' ნიშნავს განმკურნებელს, განკურნების მომნიჭებელს. ეგვიპტურიდან ტერმინი შევიდა ჯერ გერმანულ და შემდეგ ბერძნულ ენაში.<br />