ალაზანი: განსხვავება გადახედვებს შორის

'''''ალაზანი''''' ''— [[მდინარე]] აღმოსავლეთ [[საქართველო]]სა და [[აზერბაიჯანი|აზერბაიჯანში]], ნაწილობრივ მიედინება ამ ქვეყნების საზღვრის გასწვრივ. ალაზნის სიგრძე 390 კმ, აუზის ფართობი — 11 800 კვ.კმ, წყლის საშუალო ხარჯი — 98 კუბ.მ/წმ. საზრდოობა შერეულია, გამოიყენება სარწყავად. ალაზნის მიმდებარე ვაკეები მევენახეობის მუნიციპალიტეტია. სათავე აქვს კავკასიონზე, მწვერვალ [[დიდი ბორბალო]]ს აღმოსავლეთ კალთაზე. ზემო დინებაში მთის მდინარეა, შემდეგ გამოდის [[ალაზნის ვაკე]]ზე და იტოტება. ერთვის [[მინგეჩაურის წყალსაცავი|მინგეჩაურის წყალსაცავს]] ([[აზერბაიჯანი]]). წყალსაცავის აგებამდე ალაზანი პირდაპირ [[მტკვარი|მტკვარში]] ჩაედინებოდა.''

''ალაზანი საზრდოობს მიწისქვეშა, წვიმისა და თოვლის წყლით. წყლის ჩამონადენის დაახლოებით 40%-ს მიწისქვეშა წყალი შეადგენს, წვიმისა და თოვლის — 30-30%-ს. წყალდიდობა გაზაფხულსა და ზაფხულის პირველ ნახევარში იცის, მოვარდნა — შემოდგომაზე. ზამთარში წყალმცირეა. გაზაფხულზე მოდის წყლის ჩამონადენის 38,3%, [[ზაფხული|ზაფხულში]] — 29,1%, [[შემოდგომა]]ზე — 20,3%, [[ზამთარი|ზამთარში]] — 12,3%. არ იყინება.''

''ალაზნის მარცხენა შენაკადებია: [[სტორი]], [[ლოპოტა]], [[ინწობა (მდინარე)|ინწობა]], [[ჩელთი]], [[დურუჯი (მდინარე)|დურუჯი]], [[ავანისხევი]], [[კაბალი (მდინარე)|კაბალი]], [[მაწიმისწყალი]], [[გიშისწყალი]] (აგრიჩაი) და სხვა. მარჯვენა — [[ილტო]], [[თურდო]], [[კისისხევი (მდინარე)|კისისხევი]], [[ჭერმისხევი]], და სხვა. ზოგი შენაკადი ღვარცოფულია (მაგ., [[დურუჯი (მდინარე)|დურუჯი]]). ალაზანს მინგეჩაურის წყალსაცავში წლიურად შეაქვს 2,5 მლრდ მ³ წყალი. იყენებენ სარწყავად.''

==''გალერეა''==