ორბელები: განსხვავება გადახედვებს შორის

'''ორბელები''', — აღმოსავლეთ საქართველოს დიდი ფეოდალური საგვარეულო XII-XIII საუკუნეებში. ფლობდნენ [[ორბეთის ციხე]]ს, აქედან მომდინარეობს მათი გვარიგვარის სახელწოდებაც.

საისტორიო წყაროებში ამ საგვარეულოდან პირველად მოხსენიებულია [[ივანე ორბელი]] (1110 ამბებთან დაკავშირებით). განსაკუთრებით დაწინაურდნენ ორბელები [[დემეტრე I]]-ისა და [[დავით V|დავით დემეტრეს ძის]] მეფობაში, როდესაც მათმა გვარმა მემკვიდრეობით მიიღო [[ამირსპასალარი]]ს სახელო, ხოლო საგამგეო ქვეყნად — [[ლორე]]. ორბელების სახლის მეთაური [[ივანე სუმბატის ძე ორბელი]] ერთდროულად დაეუფლა ამირსპასალარისა და [[მანდატურთუხუცესი]]ს სახელს, და [[გიორგი III (საქართველოს მეფე)|გიორგი III]]-ის დროს ანისის გამგებელიც იყო, ხოლო მისი ძმა [[ლიპარიტ სუმბატის ძე ორბელი|ლიპარიტ ორბელი]] ჯერ [[ამილახორი]] და შემდეგ ქართლის [[ერისთავი]] გახდა. ამასაც არ დასჯერდნენ და გიორგი III-ის ნაცვლად ივანე ორბელის სიძის [[დემნა უფლისწული]]ს, გამეფებით სურდათ სამეფო კარზე და სამეფოში თავიანთი უპირველესი მდგომარეობის საბოლოოდ განმტკიცება ([[ორბელთა აჯანყება 1177-1178]]).