ნიდერლანდების ეროვნული საფეხბურთო ნაკრები: განსხვავება გადახედვებს შორის

[[მსოფლიო საფეხბურთო ჩემპიონატი 1978|1978 წლის მუნდიალზე]] ნიდერლანდი ისევ გავიდა ფინალში და ამჯერადაც მასპინძელს, [[არგენტინის ეროვნული საფეხბურთო ნაკრები|არგენტინის ნაკრებს]] შეხვდა. ნიდერლანდს ჩემპიონატზე აკლდნენ [[იოჰან კრუიფი]], [[ვილჰემ ვან ჰანეგემი]] და [[იან ვან ბევერენი]], რომლებმაც უარი თქვეს მსოფლიო ჩემპიონატში მონაწილეობაზე. ჯგუფური ეტაპი გუნდმა არცთუისე შთამბეჭდავად ჩაატარა, რადგანაც შოტლანდიასთან წაგების და პერუსთან ფრის შემდეგ მეორე ადგილი დაიკავა. მეორე ჯგუფურ ეტაპზე ნიდერლანდმა ფრე დაამთავრა გერმანიასთან [[არი ჰაანი]]ს ლამაზი შორეული დარტყმის წყალობით, შემდეგ კი დაჯაბნა ავსტრია ანგარიშით 5-1, [[რობ რენსენბრინკი]]ს 1 გოლის და 3 საგოლე გადაცემის წყალობით. ხოლო იტალიასთან გადამწყვეტი გოლი ისევ [[არი ჰაანი]]ს ულამაზესი შორეული დარტყმის შედეგად გავიდა. [[მსოფლიო საფეხბურთო ჩემპიონატი 1978: ფინალი|ფინალი]] ნიდერლანდმა კარგად დაიწყო, მაგრამ პირველ ტაიმში არგენტინა დაწინაურდა [[მარიო კემპესი]]ს გოლით. [[დიკ ნანინგა]]ს გოლით ნიდერლანდმა მატჩის დასრულებამდე რვა წუთით ადრე გაათანაბრა და მატჩის მიწურულს მოგების შანსიც ჰქონდა, მაგრამ [[რობ რენსენბრინკი]]ს დარტყმა ძელს მოხვდა. [[დამატებითი დრო|დამატებით დროში]] კემპესისა და [[დანიელ ბერტონი]]ს გოლებით არგენტინამ გაიმარჯვა.

ევრო 88–ის წინ რინუს მიხელსი დაუბრუნდა გუნდს. ჯგუფური ეტაპის პირველ მატჩში [[საბჭოთა კავშირის ეროვნული საფეხბურთო ნაკრები|საბჭოთა კავშირი]] 2-0 დაამარცხეს. მეორე ტაიმში [[მარკო ვან ბასტენის]]ს მიერ გატანილი გოლი ფეხბურთის ისტორიაში ერთ-ერთ ლამაზესლამაზ გოლად ითვლება.<ref>[http://www.uefa.com/60-years/videoid=2114834.html Uefa.com]</ref> ჰოლანდიელებმა ვან ბასტენის ჰეთ–თრიკის წყალობით 3:1 დაამარცხეს [[ინგლისის ეროვნული საფეხბურთო ნაკრები|ინგლისის ნაკრები]], შემდეგ მოუგო [[ირლანდიის ეროვნული საფეხბურთო ნაკრები|ირლანდიას]](1:0) და გავიდა ნახევარფინალში,სადაც ტურნირის მასპინძელ [[გერმანიის ეროვნული საფეხბურთო ნაკრები|გერმანიას]] გადაეყარა.ეს მატჩი იმით იყო მნიშვნელოვანი,რომ ჰოლანდიელებს შანსი ჰქონდათ [[1974]] წლის მსოფლიო ჩემპიონატის ფინალში განმცდილი მარცხისთვის გერმანელებზე შური ეძიათ.გამარჯვების გოლი [[მარკო ვან ბასტენი|მარკო ვან ბასტენმა]] გაიტანა 89–ე წუთზე.მატჩის შემდგომ [[რონალდ კუმანი|რონალდ კუმანმა]] გერმანელი ფანების თვალწინ გერმანელი [[ოლაფ ტონი]]ს მასური უკანალზე ისე ამოისვა, თითქოს ტუალეტის ქაღალდი ყოფილიყოს.მოგვიანებით კუმანმა თავისი საქციელი ინანა. ჰოლანდიელებმა საფინალო მატჩი საბჭოთა კავშირთან [[რუუდ გულიტი]]ს თავურით და [[მარკო ვან ბასტენი]]ს ჰაეროვანი გოლებით დამაჯერებლად მოიგეს.ეს იყო ჰოლანდიის მიერ მოგებული პირველი საერთაშორისო გამარჯვება,რომელმაც თითქმის ათწლიანი უდაბნოში ყოფნის შემდეგ მათ მსოფლიო ფეხბურთის ელიტაში მოუპოვა ადგილი და თითქმის სამი წლის მანძილზე დომინირებდა.