სომალის ერთადერთი დაუშრობელი [[მდინარე]]ებია — [[ჯუბა (მდინარე)|ჯუბა]] და [[უაბიუები-შებელეშაბელე]], რომლებიც მდებარეობენ ქვეყნის სამხრეთ ნაწილში. [[ეთიოპიის მთიანეთი]]დან დაწყებული, ორივე მდინარე ღრმად იჭრება პლატოში იმ ადგილამდე, სადაც ისინი აღწევენ ალუვიალურ ზეგნებამდე. ჯუბას წყლები მიემართება პირდაპირ ინდოეთის ოკეანემდე, რომელსაც ის უერთდება კისმაიოსთან ახლოს. უაბი-შებელე მკვეთრად უხვევს მოგადიშოდან ჩრდილოეთით და მიედინება სანაპიროს გასწვრივ იმ ადგილამდე, სადაც ის უერთდება ჯუბას. ჯუბა უფრო წყალუხვია, ვედრე უაბი-შებელე, რომელიც თავის ქვედა დინებაში ხანგრძლივი [[გვალვა|გვალვების]] დროს ზოგჯერ იკარგება [[ქვიშა|ქვიშებში]]. ქვეყნის დანარჩენი მდინარეების დიდი ნაწილი მიედინება პლატოების და ზეგნების ვიწრო ხეობებში და აქვთ სეზონური ხასიათი. ქვეყნის დიდ ნაწილზე გრუნტის წყლები მდებარეობენ დიდ სიღრმეზე და აქვთ მინერალების მაღალი კონცენტრაცია. უაბი-შებელეს და ჯუბას აქვთ საკმაოდ დიდი მნიშვნელობა მოსახლეობისათვის და სომალის ბუნებისათვის, განსაკუთრებით გვალვიან სეზონებში.