'''ტაოთხუნელას-კლარჯეთი''' — ისტორიული [[ზემო ქართლი]]ს, [[მესხეთი]]ს ნაწილი. ტერმინს საფუძვლად უდევს ამ მხარის ორი უმნიშვნელოვანესი პროვინციის — [[ტაო]]სა და [[კლარჯეთი]]ს სახელწოდებები. ტაო-კლარჯეთი ტერიტორიულად სრულად მოიცავს მდინარე [[ჭოროხი]]ს ბასეინს და აღნიშნული ტოპონიმის საზღვრები არ სცილდება მის საზღვრებს. შესაბამისად ტაოში მოიაზრება ტერიტორია მდინარე ჭოროხის იმ ნაწილისა რომელიც იწყება მდინარე [[იმერხევი]]სა და ჭოროხის შესართავიდან ვიდრე [[ბაიბურთი]]ს ჩათვლით, ხოლო მდინარე ჭოროხის ბასეინის ის ნაწილი, რომელიც იწყება იმერხევიდან ვიდრე შავ ზღვამდე არის კლარჯეთი. ტაო თავის მხრივ იყოფა [[სპერი]]სა და [[ტაონი]]ს ტერიტორიებად, ხოლო კლარჯეთში შედის მდინარე იმერხევის აუზში ტერიტორიები, როგორიცაა [[შავშეთი]] და [[იმერხევი]], ხოლო იმერხევი ჭოროხის შესართავიდან ვიდრე შავ ზღვამდე არსებული კლარჯეთი დაყოფილია [[ნიგალი]]ს, [[აჭარა|აჭარის]], [[მაჭახელა]]ს და სხვა ხეობებად. ტაო კლარჯეთის ტერიტორიაზე მდებარეობს შუა საუკუნეების ქართული კულტურის მნიშვნელოვანი ძეგლები, რომელთა დიდი ნაწილი ნანგრევების სახითაა შემორჩენილი.
ქართულ სახელმწიფოში შედიოდა ასევე ბასიანის მხარე რომელიც წარმოადგენს ისტორიული სასომხეთის ნაწილს, ხოლო [[კოლა]], [[არტაანი]] და [[ერუშეთი]] კი ეს [[ჯავახეთი]]ს ფართო გაგებით ნაწილია რომელიც ასევე შედის ზემო ქართლის ანუ მესხეთის მხარეში.
