აგამემნონი: განსხვავება გადახედვებს შორის

'''აგამემნონი''' ([[ბერძნ.]] Ἀγαμέμνων) - [[მიკენი]]ს მეფე, ბერძენთა წინამძღოლი [[ტროას ომი|ტროას ომში]], [[ატრევსი]]ს ვაჟი, [[მენელაოსი]]ს ძმა. როდესაც ატრევსი მოკლა [[ეგისთე]]მ და მიკენის მეფე გახდა, ეგისთეს მამა [[თიესტე]], ჯერ კიდევ ყმაწვილები - [[აგამემნონი]] და მენელაოსი [[სპარტა]]ში გაიქცნენ და დაქორწინდნენ [[ტინდარეოსი]]ს ქალიშვილებზე; აგამემნონი [[კლიტემნესტრა]]ზე, ხოლო მოენელაოსი - [[ელენე (მითოლოგია)|ელენეზე]]. აგამემნონს შეეძინა ქალიშვილები: [[იფიგენია]], [[ქრიზოთემიდა]], [[ლაოდიკე]] (ტრაგიკოსებთან [[ელექტრა]]) და ვაჟი [[ორესტე]]. რამდენიმე ხნის შემდეგ, როცა მიკენში უკვე აგამემნონი იყო გამეფებული, მენელაოსის ცოლი ელენე მოიტაცა [[პარისი|პარისმა]]. ადრევე დადებული ხელშეკრულების თანახმად, აგამემნონმა შეკრიბა საუკეთესო ბერძენ ვაჟკაცთა დიდი ლაშქარი და თავს დაესხა პარისის მშობლიურ ქალაქ [[ტროა]]ს. ტროაში მისვლამდე ბერძენთა ლაშქარს [[ავლიდი|ავლიდთან]] პირქარი მოევლინა და წინსვლის ყოველგვარი საშუალება მოუსპო. რადგან ქარი არ აპირებდა ჩადგომას, სამისნოს მიმართეს. სამისნომ განაცხადა, რომ ქარი მანამ არ ჩადგებოდა, სანამ აგამემნონი მსხვერპლად არ გაიღებდა თავის ქალიშვილ იფიგენიას. აგამემნონი იძულებული გახდა შეესრულებინა ღმერთის ეს მეტად არასასიამოვნო სურვილი. მითის ამ დეტალზე ააგო [[ევრიპიდე]]მ შესანიშნავი ტრაგედია "[[იფიგენია ავლიდში]]".