ჩარლზ ბუკოვსკი: განსხვავება გადახედვებს შორის

შიგთავსი ამოიშალა შიგთავსი დაემატა
შექმნილია გვერდის თარგმნით "Charles Bukowski"
(განსხვავება არ არის)

17:41, 10 ოქტომბერი 2015-ის ვერსია

ჰენრი ჩარლზ ბუკოვსკი (დაბადებით ჰაინრიხ კარლ ბუკოვსკი; დ. 16 აგვისტო, 1920 – გ. 9 მარტი, 1994) წარმოშობით გერმანელი, ამერიკელი პოეტი, ლიტერატორი, პროზაიკოსი და ჟურნალისტი; ე. წ. "ბინძური რეალიზმის" (ინგლ. Dirty Realism) მიმდინარეობის წარმომადგენელი.

ბუკოვსკის წერის მანერაზე მნიშვნელოვანი გავლენა იქონია მისი ქალაქის, ლოს-ანჯელესის, სოციალურმა, კულტურულმა და ეკონომიკურმა პირობებმა. მის ნაწარმოებებში აღწერილია ხელმოკლე ამერიკელების ყოველდღიური ცხოვრება, ალკოჰოლი, ურთიერთობა ქალებთან, ყოველდღიური სამსახურეობრივი რუტინა. ბუკოვსკის დაწერილი აქვს ათასობით ლექსი, ასობით მოთხრობა და ექვსი რომანი, რომლებიც ერთობლივად ექვს წიგნად არის გამოცემული.

ცხოვრება

ოჯახი და ადრეული წლები

ჩარლზ ბუკოვსკი (დაბადებით ჰაინრიხ კარლ ბუკოვსკი) ანდერნახში, გერმანია, დაიბადა ჰაინრიხისა და კატარინა ბუკოვსკების ოჯახში. მისი ბაბუა მამის მხრიდან, ლეონარდი, 1880-იან წლებში გერმანიიდან ამერიკაში გადასახლდა. კლივლენდში ლეონარდი ემილი კრაუზეს შეხვდა, რომელიც თავის მხრივ დანციგიდან (ახლანდელი გდანსკი) იყო ემიგრირებული. მათ იქორწინეს და პასადენაში, კალიფორნია, დასახლდნენ. თავდაპირველად ლეონარდი ხელოსნად მუშაობდა, შემდგომში კი საკუთარი სამშენებლო კომპანია დააარსა. წყვილს ოთხი შვილი, მათ შორის ჩარლზ ბუკოვსკის მომავალი მამა, შეეძინა.[1][2]

ბუკოვსკის მშობლები ერთმანეთს ანდერნახში, გერმანია, შეხვდნენ პირველი მსოფლიო ომის პერიოდში. პოეტის მამა აშშ-ის არმიის სერჟანტი იყო და გერმანიაში მსახურობდა ამ ქვეყნის 1918 წელს დამარცხების შემდეგ. მან და კატერინამ ჩარლზის დაბადებამდე ერთი თვით ადრე იქორწინეს, თუმცა თავად ჩარლზი ამტკიცებდა, რომ ის ქორწინებამდე დაიბადა. ჯარის შემდეგ, ჰენრიმ სამშენებლო კონტრაქტორად დაიწყო მუშაობა და ორი წლის შემდეგ პფაფენდორფში გადავიდა. თუმცა მძიმე ეკონომიკური მდგომარეობისა და მაღალი ინფლაციის გამო, მალევე გადაწყვიტა ამერიკაში გადასახლება. 1923 წლის 23 აპრილს ისინი ბრემენჰავენიდან გემით ბალტიმორში, მერილენდი, გაემგზავრნენ, სადაც დასახლდნენ კიდეც.

ოჯახი 1930 წელს სამხრეთ ლოს-ანჯელესში დასახლდა. 1930-იან წლებში პოეტი მამა მეტწილად უმუშევარი იყო. მის ავტობიოგრაფიული ნაწარმოებში "ლორი შვრიაზე" (Ham on Rye) ჩარლზ ბუკოვსკი წერს, რომ დედამისის მხარდაჭერით, მამა მასზე ხშირად ფიზიკურ და მორალურ ძალადობას ეწეოდა; უმცირესი დანაშაულისთვისაც კი სცემდა. ბავშვობაში ბუკოვსკი მორცხვი და სოციალურად გარიყული იყო, რასაც ხელს უწყობდა მოზარდობისას მწვავე აკნეს პრობლემაც. მეზობელი ბავშვები ხშირად დასცინოდნენ მისი გერმანული აქცენტისა და ტანსაცმლის გამო.

References

  1. Charles Bukowski (2009) Barry Miles.
  2. Neeli Cherkovski: Das Leben des Charles Bukowski.