აპოფთეგმები: განსხვავება გადახედვებს შორის

'''აპოფთეგმა''' – ბრძენთა, სახელგანთქმულ ადამიანთა სხარტი გამონათქვამი, [[სენტენცია]], [[აფორიზმი]], [[ანეკდოტი]] თუ [[თქმულება]]. აპოფთერგმათა კრებულები, რომელთა მიზანი იყო მკითხველთა ზნეობრივი დამოძღვრა, ფრიად პოპულარული იყო როგორც ანტიკურ [[საბერძნეთი|საბერძნეთში]], ისე [[შუა საუკუნეები|შუა საუკუნეებში]]. კლასიკური ხანის ქართულ მწერლობაში ჩანს ინტერესი ამ დარგის ლიტერატურისადმი. [[სტეფანე ათონელი|სტეფანე ათონელმა]] თარგმნა [[იოანე ოქროპირი]]ს ''"ფუტკარი"'' (შემონახულია მხოლოდ ფრაგმენტები), არსებობს [[ნილოს სინელი]]ს ''"ღნომნი სწავლათანი სარგებელად სულისა"'' და ''"ღნომნი განსაყენებელნი განხრწნადთაგან და შემაერთებელნი უხრწნელთა თანა"''. აპოფთეგმები მნიშვნელოვან ადგილს იჭერს აღორძინების ხანის მწერლობაში, როდესაც დიდაქტიკას საგანგებო ფასი დაედო. ამ დროისაა რამდენიმე აპოფთეგმური. ასეთია ''"ამირნასარიანი''", რომლის სამი ვერსია არსებობს: ერთი პროზაული და ორი ლექსური. სამივე ვერსია [[ვახტანგ VI|ვახტანგ მეექვსე]]ს ეკუთვნის. ცალკე გამოყოფენ აპოფთეგმების ერთ დარგს, რომელსაც შეიძლევა ვუწოდოთ ''"სიბრძნენი ფილოსოფოსთანი"''.