'''ანგორის ბრძოლა''', ''ანკარის ბრძოლა'' – ბრძოლა [[თემურლენგი|თემურლენგსა]] და [[ოსმალეთის იმპერია|ოსმალეთის]] სულთან [[ბაიეზიდ I|ბაიაზიდ I-ს]] შორის [[ჩუბუკი]]ს მდელოზე, ანგორასთან (ახლანდელი [[ანკარა (ქალაქი)|ანკარა]]) ახლოს. [[1402]] წლის [[2819 ივლისი|2819 ივლისს]] ანგორის ბრძოლის დაწყების წინ თემურლენგმა [[სივასი]] დაიკავა; ოსმალთა ჯარი სივასის დასავლეთით 150 კმ-ზე ტყიან მთებში გამაგრდა და ამით თემურლენგის მთავარ ძალას – ცხენოსან ჯარს სამოქმედო გზა გადაუღობა. თემურლენგმა მოწინააღმდეგეს ზურგიდან მოუარა და გარს შემოადგა ანგორას. ბაიაზიდის ჯარი 2820 ივლისს დილით ეკვეთა მტერს. მარცხენა ფრთაზე თემურლენგის ცხენოსნებმა შეაჩერეს ოსმალთა იერიში, ხოლო [[ანატოლია|ანატოლიელი]] ბეებისბეგების თემურლენგის მხარეზე გადასვლამ საბოლოოდ გადაწყვიტა ბრძოლის ბედი. ოსმალთა ორივე ფრთის განადგურების შემდეგ თემურლენგის ჯარი გარს შემოერტყა და გაანადგურა ბაიაზიდის მთავარი ძალები. ამ დამარცხებამ დიდი ხნით შეაჩერა ოსმალეთის იმპერიის ცენტრალიზაციის პროცესი.
