'''ჯიხვი''' — დიდი ზომის თხა [[წყვილჩლიქოსნები]]ს რიგისა. ცნობილია ორი სახეობა: ყუბანური ანუ [[დასავლეთკავკასიური ჯიხვი]] ({{lang-la|Capra caucasica}}) — გავრცელებულია [[კავკასიონი|კავკასიონის მთავარი ქედიქედის]]ს დასავლეთ ნაწილში, და დაღესტნური ანუ [[აღმოსავლეთკავკასიური ჯიხვი]] ({{lang-la|Capra caucasica cylindricornis}}) — ცხოვრობს [[კავკასიონი|კავკასიონის მთავარი ქედიქედის]]ს აღმოსავლეთ ნაწილში (მწვერვალ [[შხარა|შხარის]] აღმოსავლეთით). მისი სხეულის სიგრძე 165 სმ, სიმაღლე მინდაოში — 109 სმ, კუდის სიგრძე 10-14 სმ, მასა 80 (ზოგი 100 კგ) აღწევს. ჯიხვები ბინადრობენ ალპურ და სუბალპურ მდელეობზე. ზამთრობით ტყეში იხიზნებიან. იკვებებიან მცენარეულობით. მრავლდებიან წელწიადში ერთხელ. მაკეობა გრძელდება 150-160 დღე-ღამემდე. შობენ 1 თიკანს. სქესობრივად მწიფდებიან 2 წლისა. ჯიხვი შინაურ თხას ეჯვარება, რის შედეგადაც მიიღება ჰიბრიდი ჯიხვთხა, რომელიც, განსაკუთრებით კი ვაცი, ზომა-წონით ორივე მშობელს სჭარბობს. ჯიხვი ტვეობას ადვილად ეგუება და მალე თვინიერდება.
