'''ხალებიანი აფთარი''' (Crocuta crocuta), — [[ძუძუმწოვრები|ძუძუმწოვარი]] [[მტაცებლები|მტაცებელი]] [[ცხოველები|ცხოველი]], [[აფთრისებრნი|აფთრისებრთა]] ოჯახისა. მისი სხეულის სიგრძე 120-160 სმ, კიდურის 25-35 სმ, წონა 50-85 კგ აღწევს. სიცოცხლის ხანგრძლივობა ბუნებაში 25 წელი, ხოლო ტყვეობაში 40 წელია. ხალებიანი აფთარი, ყველაზე დიდია აფთრებს შორის, უმეტესად, გავრცელებულია [[აფრიკა]]ში, სამხრეთ [[საჰარა|საჰარიდან]] მოყოლებული მთელს სამხრეთში, გარდა უკიდურესი სამხრეთისა და კონგოს აუზის ტერიტორიისა. მას შეხვდებით, როგორც უდაბნოში, ასევე ბუჩქნარ და ტყიან ადგილებშიც. მას გააჩნია გრძელი უხეში ბეწვი, რომელიც შეფერილია მუქ ყვითლად, ან ხაკისფრად და დაჰყვება არასიმეტრიული მუქი ლაქები. კიდურები, სახის წინა ნაწილი და კუდის ბოლო მუქი ყავისფერი ან შავია. ზურგზე ჯაგრისებრი ფაფარი ეზრდება.
