'''სტეფანწმინდა''' (ყოფილი '''ყაზბეგი''') <ref>[https://matsne.gov.ge/index.php?option=com_ldmssearch&view=docView&id=96862 საქართველოს პრეზიდენტის ბრძანებულება N14, 2006 წლის 9 იანვარი]</ref> — [[დაბა]], [[ყაზბეგის მუნიციპალიტეტი|ყაზბეგის მუნიციპალიტეტის]] ადმინისტრაციული ცენტრი. მდებარეობს მდინარე [[თერგი|თერგის]] ხეობაში, [[მყინვარწვერი|მყინვარწვერის]] ძირში ზღვის დონიდან 1750 მეტრზე. იგი ქალაქ [[ვლადიკავკაზი|ვლადიკავკაზიდან]] დაშორებულია 46 კმ-ით. დაბის სტატუსი მიენიჭა [[1966]] წელს. მოსახლეობა 1 820 (2002). დაბაში არის ადმინისტრაციული, კულტურის, განათლების და ჯანდაცვის დაწესებულებები, მცირე საწარმოები. სტეფანწმინდაში დაცულია [[ყაზბეგი, ალექსანდრე|ალექსანდრე ყაზბეგის]] მამისეული ორსართულიანი სახლი (ამჟამად მხარეთმცოდნეობის მუზეუმი) და კარის ეკლესია. სახლის წინ მწერლის საფლავია, დგას [[ბიუსტი]]. დაბის ცენტრში აღმართულია მისივე მონუმენტი. სტეფანწმინდას თავს დაჰყურებს [[გერგეტის სამება|გერგეტის სამების]] ეკლესია. [[2006]] წელს დაბა ყაზბეგს დაუბრუნდა მისი ყოფილი სახელი<ref>[https://matsne.gov.ge/ka/document/view/96862 საქართველოს პრეზიდენტის ბრძანებულება N14, 2006 წლის 9 იანვარი]</ref>. 2011 წელს დაიწყო [[ჰიდროელექტროსადგური|ჰიდროელექტროსადგურ]] „ლარსი ჰესის“ მშენებლობა. ჰესის დადგმული სიმძლავრე 19 მგვტ-ია, ხოლო წლიური გამომუშავება 100 მლნ კვტ/საათს შეადგენს. ჰესი დერივაციული ტიპისაა და ექსპლუატაციაში 2014 წელს შევიდა.
