ფატიმიდები: განსხვავება გადახედვებს შორის

'''ფატიმიდები''' — [[არაბები|არაბი]] [[ხალიფა|ხალიფების]] დინასტია ([[909]]-[[1171]] წწ.). ფატიმიდები თავს [[ალი იბნ აბუ ტალიბი|ალისა]] და [[მაჰმადი]]ს ქალიშვილის [[ფატიმა ზახრა|ფატიმას]] შთამომავლად თვლიდნენ (აქედან მოდის სახელწოდებაც). დინასტიის ფუძემდებელი და პირველი ხალიფაა [[უბაიად ალ-ლაჰ იბნ მაჰდი]] (909-934 წწ.). მან [[ბერბერები]]ს დახმარებით მოსპო [[აღლაბიდები]]ს და [[რუსტამიდები]]ს დინასტიები [[ჩრდილოეთი აფრიკა|ჩრდილოეთ აფრიკაში]] და თავისი ძალაუფლება დაამყარა. [[X საუკუნე|X საუკუნის]] შუა წლებში ფატიმიდებმა თითქმის მთლიმთელი ჩრდილოეთ აფრიკა და [[სიცილია]] დაიმორჩილეს, [[969]] წელს მათ დაიპყრეს ეგვიპტე. ძველი ფუსტატის ახლოს დააარსეს ახლანდელი [[კაირო]] (ალ-კაჰირა) და სახელმწიფოს ცენტრად აქციეს. X საუკუნის ბოლოსათვის ფატიმიდების ხელისუფლებას აღიარებენ [[ჰიჯაზი|ჰიჯაზში]], [[იემენი|იემენსა]] და [[სირია]]ში. ფატიმიდების სახელმწიფო სამხედრო-თეოკრატიული იყო. ხალიფა ერთდროულად [[ისმაილიტები|ისმაილიტთა]] იმამად ითვლებოდა. ფატიმიდების სახალიფოში მეურნეობის წამყვანი დარგი მიწათმოქმედება იყო. [[XI საუკუნე|XI საუკუნის]] შუა წლებიდან მმართველ წრეებში უთანხმოებამ, არმიის ურჩობამ და დაპყრობილი ხალხების წინააღმდეგობამ ფატიმიდების სახალიფო დაცემის გზაზე დააყენა. [[1171]] წელს ძალაუფლება ხელთ იგდო [[სალაჰ ალ-დინი|სალაჰ ალ-დინმა]] და ფატიმიდების დინასტიამ არსებობა შეწყვიტა.