ლუმბინი: განსხვავება გადახედვებს შორის

|სურათი = [[ფაილი:Nepal DSCN2126a.jpg|250px|]]

'''ლუმბინი''' ([[სანსკრიტი|სანსკ]]. लुम्बिनी - მომხიბლავი) — სატაძრო კომპლექსი და [[ბუდიზმი|ბუდისტი]] პილიგრიმების წმინდა ადგილი [[ნეპალი|ნეპალში]], [[ინდოეთი]]ს [[სახელმწიფო საზღვარი|საზღვრის]] სიახლოვეს. ამ ადგილას, დედოფალმა [[მაიადევი]]მ შვა [[სიდჰართა გაუტამა]], იგივე ბუდა გაუტამა, რომელმაც [[ბუდიზმი]]ს მოძღვრება ჩამოაყალიბა. იგი დაახლოებით ძვ.წ. 563 - 483 წლებში ცხოვრობდა. ლუმბინი ბუდისტი პილიგრიმების ოთხი უმნიშვნელოვანესი ადგილიდან ერთ-ერთია, ხოლო დანარჩენი სამი მათგანია - [[კუშინაგარი]], [[ბოდჰგაია]] და [[სარნათჰი]].

ლუმბინი [[ჰიმალაი]]ს მთისწინეთში მდებარეობს, კაპილავასტუს მუნიციპალიტეტიდან 25 კმ-ით აღმოსავლეთით, სადაც ბუდა თავისი ცხოვრების 29 წლამდე ცხოვრობდა. ლუმბინში მრავალი ტაძარი მდებარეობს, მათ შორისაა მაიადევის ტაძარი, ასევე ქვა, რომელზეც გამოსახულია ბუდას დაბადების სცენა.

კომპლექსი მოიცავს ბუდისტურ მონასტრებს, ტაძრებს, [[სტუპა|სტუპებს]] და სხვა მონუმენტებს.

აღსანიშნავია, რომ ყოველ ქვეყანას, სადაც გავრცელებულია ბუდიზმი, ლუმბინში საკუთარი ტაძრის აგება შეუძლია. ამის გამო, აქ მდებარეობს [[ტაილანდი|ტაილანდური]], [[ჩინეთი|ჩინური]], [[გერმანია|გერმანული]], [[კამბოჯა|კამბოჯური]] და ა.შ. ტაძრები.