სამი სამეფო: განსხვავება გადახედვებს შორის

'''სანგო''', ''სამმეფობა'' — პერიოდი [[ჩინეთის ისტორია]]ში ([[220]]-[[265]] ან [[220]]-[[280]] წწ.), სახელი ეწოდა იმ სამეფოთა რიცხვის მიხედვით, რომლებიც წარმოიშვნენ [[ხანის დინასტია|ხანის იმპერიის]] დაცემის (220 წ.) შემდეგ. ამ პერიოდისათვის დამახასიათებელი იყო პოლიტიკური დაქუცმაცებულობა და განუწყვეტელი ბრძოლები სამ სამეფოს – [[ვეის სამეფო|ვეის]], [[უს სამეფო|უსა]] და [[შუს სამეფო|შუს]] – შორის. შუს სამეფო თავისი არსებობის პირველ ნახევარში წარმატებით ომობდა. შემდგომში იგი შინაბრძოლების შედეგად ძლიერ დასუსტდა და [[263]] წელს შეუერთდა ვეის სამეფოს. [[265]] წელს ვეის სამეფოში ძალაუფლება ხელთ იგდო მხედართუფროსმა [[სიმა იანი|სიმა იანმა]], რომელმაც იმავე წელს დააარსა [[დასავლეთი ძინი]]ს (265-316 წწ.) დინასტია და [[280]] წელს დაასრულა უს სამეფოს დაპყრობა.