მეჰელის ცხვირნალა: განსხვავება გადახედვებს შორის

'''მეჰელის ცხვირნალა''' ({{lang-la|Rhinolophus mehelyi}}) — [[ხელფრთიანები]]ს სახეობა, [[ნალცხვირა ღამურები]]ს ოჯახისა. გავრცელებულია [[აღმოსავლეთი ევროპა|აღმოსავლეთ ევროპაში]] და [[ახლო აღმოსავლეთი|ახლო აღმოსავლეთში]]. დამახასიათებელია საშუალო ზომა, ფერმკრთალი ტუჩები და მონაცისფრო-მოყავისფრო ყურები. ბეწვი შედარებით ხშირია, მონაცისფრო-მოთეთრო ფერისაა. მუცლის ბეწვი თითქმის მთლინად თეთრია, ხოლო ზურგისა — მონაცისფრო-მოყავისფრო. მკვეთრად არის გამოყოფილი ზურგისა და მუცლის მხარეები. სხეულის სიგრძე 5,5-6,4 სმ, წონა 10-18 გრ. ფრთების შლილი 33-34 სმ. [[გამოქვაბული|გამოქვაბულების]] ბინადარია, უპირატესობას ანიჭებს [[კირქვა|კირქვიან]] ადგილებს, იქ სადაც [[წყალი]]ა. მეჰელის ცხვირნალა როგორც ცნობილია, ბუდობს სხვა ნალცხვირა ღამურებთან ერთად. თავისუფლად არის ჩამოკიდებული [[მღვიმე|მღვიმეების]] ჭერზე. სანადიროდ გამოდის მობინდებისას, მსხვერპლს იჭერს დაბლა მიწაზე, აგრეთვე ბუჩქებსა და ხეებზე. გავრცელებულია [[ხმელთაშუა ზღვა|ხმელთაშუა ზღვის]] რაიონებში. გვხვდება [[ესპანეთი|ესპანეთში]], [[პორტუგალია]]ში, [[საფრანგეთი|საფრანგეთში]], [[იტალია]]ში, [[რუმინეთი|რუმინეთში]], [[ბულგარეთი|ბულგარეთში]], [[საბერძნეთი|საბერძნეთში]], [[სერბია და ჩერნოგორია]]ში, [[მაროკო]]ში, [[ტუნისი|ტუნისში]], [[ეგვიპტე]]ში, [[ალჟირი|ალჟირში]], [[ლიბია|ლიბიაში]], [[თურქეთი|თურქეთში]], [[კვიპროსი|კვიპროსში]], [[ირანი|ირანში]], [[ერაყი|ერაყში]], [[ისრაელი|ისრაელში]], [[იორდანია]]ში, [[ავღანეთი|ავღანეთში]]. მეჰელის ცხვირნალა გვხვდება [[საქართველო]]შიც, კერძოდ, [[მცხეთა|მცხეთის]] მიდამოებში. იშვიათი სახეობაა, ამიტომ შეტანილია საქართველოს წითელ წიგნში.

 

 

==რესურსები ინტერნეტში==