ათენგენობა: განსხვავება გადახედვებს შორის

'''ათენგენობა''', [[ქრისტიანობა|ქრისტიანული]] დღესასწაული; დაუწესებიათ III-IV საუკუნეების მიჯნაზე წამებული ბერძენი მღვდელმოძღვრის ათენეგე (ათინოგენ) სებასტიელის მოსახსენიებლად. ათენგენობა ფართოდ ყოფილა გავრცელებული საქართველოში და სომხეთში. განეკუთვნებოდა მოძრავ დღესასწაულთა ციკლს. იმართებოდა ივნის-ივლისში, აღდგომიდან 98-ე დღეს ("დღესა ვარდპბასა"). ამჯამად შემორჩენილია აღმოსავლეთ საქართველოს მთაში. [[ხევსურეთი|ხევსურეთში]] და ხევში მას ათენგენობას ეძახიან, [[თუშეთი|თუშეთში]] - ათნიგენობას, ზოგან კი იმ ხატის სახელს, სადაც დღეობა იმართება ([[ლაშარობა]], [[თამარობა]], [[სერობა]] და ა. შ.) . მთიელთა ათენგენობას სახელწოდების გარდა თითქმის აღარაფერი აქვს საერთო ქრისტიანულ დღესასწაულთან. ეს არის ტიპობრივი წარმართული დღესასწაული, რომელიც იმართება ივნისის II ნახევარში სხვადასხვა დღე. ათენგენობის დღესასწაულზე ხალხი შესაწირავიღა და სათანადო რიტუალის შესრულებით ცდილობდა ხატის მფარველობა დაემსახურებინა.