'''აცტეკები''' (საკ. სახელწოდება — ''ასტეკა'') — [[მექსიკა|მექსიკის]] [[ინდიელები|ინდიელთა]] ერთ-ერთი ყველაზე მრავალრიცხოვანი ხალხი. [[აცტეკური ენა]] — ''ნაუატლი'' [[იუტოაცტეკური ენები|იუტოაცტეკურ ენათა]] დიდ ჯგუფს განეკუთვნება. [[XII საუკუნე]]ში ჩრდილოეთიდან მოსული აცტეკები [[მეხიკო]]ს ველზე შეიჭრნენ და დამკვიდრდნენ, აითვისეს მისი ძველი მოსახლეობის — [[ტოლტეკები]]ს, [[საპოტეკები]]სა და [[მიშტეკები]]ს მაღალი კულტურა და [[XIV საუკუნე]]ში დააარსეს ქ. [[ტენოჩტიტლანი]] (ახლანდელი ქ. [[მეხიკო]]). [[1427]] წელს დაუკავშირდნენ [[ტესკოკო]]სა და [[ტლაკოპანი]]ს ქალაქ-სახელმწიფოებს, დაიმორჩილეს მთელი მეხიკოს ველისა და ცენტრალური მექსიკის მოსახლეობა და ადგილობრივ ტომთა კონფედერაციის სათავეში მოექცნენ.
