'''იუსტინიანე I''' — [[ბიზანტიის იმპერატორების სია|ბიზანტიის იმპერატორი]] [[527]]–[[565]] წლებში. [[მართლმადიდებლობა|მართლმადიდებელი]] ეკლესიის წმინდანი, ხსენების დღე არის ძველი სტილით [[14 ნოემბერი]], ახალი სტილით — [[27 ნოემბერი]].
=ნსტანტინოპოლში. მრავალმხრივ ნათლებული იმპედგინედ იღვწოდა ღვთისმსახურთა და ბერმონაზოა განათლებაზე - ბრძანა, მათთვის ესწავლებინათ რიტორიკა, ფილოსოფია და ღვთისმეტყველება.
== ბიოგრაფია ==
იმპერატორი იუსტინიანე წარმოშობით [[ბულგარეთი]]დან, [[სოფია|სრედეცის]] (დღევანდელი სოფია) მახლობლად მდებარე სოფელ ბერდიანიდან იყო. კეთილმსახური ხელისუფალი გულმოდგინედ იღვწოდა ქვეყანაში მართლმადიდებლური სარწმუნოების განსამტკიცებლად, მისი მეფობის დროს [[ბიზანტია]]მ ბრწყინვალე სამხედრო გამარჯვებები მოიპოვა [[სპარსეთი|სპარსეთში]], [[აფრიკა]]სა და [[იტალია]]ში, რაც დიდად უწყობდა ხელს წარმართული სარწმუნოების აღმოფხვრას [[ვანდალები|ვანდალებსა]] და [[ვესტგუთები|ვესტგუთებს]] შორის. მეფე იუსტინიანეს ბრძანებით [[ათენი|ათენში]] წარმართული სკოლები დახურეს. მან მცირე აზიაში ქრისტიანობის განსამტკიცებლად გაგზავნა ეფესელი ეპისკოპოსი იოანე, რომელმაც სამოცდაათ ათასზე მეტი კაცი მონათლა. მეფემ ბრძანა, ახალმოქცეულთათვის ოთხმოცდაათი ტაძარი აეგოთ და უხვად შეეწეოდა საეკლესიო მშენებლობას იმპერიაში. მისი დროის ხუროთმოძღვრების საუკეთესო ნიმუშებად ითვლება მონასტერი სინას მთაზე და [[წმინდა სოფიას ტაძარი]] კონსტანტინოპოლში. მრავალმხრივ განათლებული იმპერატორი გულმოდგინედ იღვწოდა ღვთისმსახურთა და ბერმონაზონთა განათლებაზე - ბრძანა, მათთვის ესწავლებინათ რიტორიკა, ფილოსოფია და ღვთისმეტყველება.
ცრუსწავლების წინააღმდეგ წმინდა იუსტინიანემ შექმნა საგალობელი „მხოლოდშობილი ძე და ღვთისა სიტყვა“ და დააკანონა მისი გალობა ეკლესიებში. ამ დროიდან მოყოლებული დღემდე ეს საგალობელი სრულდება საღვთო ლიტურგიის დროს, მცირე გამოსვლის წინ. იმპერატორის ბრძანებით, [[553]] წელს მოწვეულ იქნა [[კონსტანტინოპოლის მეორე საეკლესიო კრება|V მსოფლიო საეკლესიო კრება]], რომელმაც დაგმო ორიგენეს ცრუსწავლება და დაამტკიცა [[ქალკედონის მსოფლიო საეკლესიო კრება|ქალკედონის IV კრების]] დადგენილებები. იუსტინიანე ზრუნავდა სახელმწიფოში წესრიგის, სამართლისა და კანონიერების დასაცავად. მისი ხელმძღვანელობითა და ზედამხედველობით შედგა რომაულ კანონთა კრებული [[Corpus Iuris Civilis]].მოყოლებ
პირად ცხოვრებაში იუსტინიანე მკაცრი ქრისტიანული კეთილმსახურებით გამოირჩეოდა. გარდაიცვალა [[565]] წელს. წმინდა ეკლესიამ იმპერატორთან ერთად წმიდანად შერაცხა მისი მეუღლე და თანამოაზრე [[თეოდორა (დედოფალი)|თეოდორაც]]. ნეტარი თეოდორა მიიცვალა [[548]] წელს.
