სევერუს სნეიპი [[1960]] წლის [[9 იანვარი|9 იანვარს]] დაიბადა ობობას ჩიხში, ინგლისში. დედამისი, ეილინ პრინცი, ჯადოქარი იყო, მამა - ტობიას სნეიპი - მაგლი. ჰოგვორტსში სწავლის დამთავრების შემდეგ იგი [[სიკვდილის მხვრელი|სიკვდილის მხვრელთა]] რიგებს შეუერთდა. [[1980]] წლის დასაწყისში მან სოფელ [[ჰოგსმიდი|ჰოგსმიდში]] მოისმინა [[სიბილ ტრელოუნი|სიბილ ტრელოუნის]] მიერ წარმოთქმული წინასწარმეტყველების ნაწილი. ამ წინასწარმეტყველების მიხედვით წლის მეშვიდე თვეს დაიბადებოდა ბავშვი, რომელსაც ვოლდემორი აღბეჭდავდა თანასწორად. "ვერც ერთი მათგანი ვერ პოვებს სიმშვიდეს, სანამ ცოცხალი იქნება მეორე" - ნათქვამი იყო წინასწარმეტყველების ბოლოს. სნეიპმა ვოლდემორს წინასწარმეტყველების ის ნაწილი შეატყობინა, რომლის მოსმენაც მოახერხა. ვოლდემორმა თავის თანასწორად [[ჰარი პოტერი]] მიიჩნია და მისი მოკვლა გადაწყვიტა. ჰარის დედა, [[ლილი ევანსი]], სნეიპს ბავშვობიდანვე უყვარდა და მისი სიკვდილის შიშით ალბუს დამბლდორს სთხოვა, გადაემალა პოტერების ოჯახი. ბნელმა ბატონმა პოტერებს [[გოდრიკგოდრიკის ჰოლოუღრმული|გოდრიკგოდრიკის ჰოლოუღრმულში]] მიაკვლია მათი მეგობრის, [[პიტერ პეტიგრიუ|პიტერ პეტიგრიუს]] ღალატის წყალობით და ლილი და ჯეიმს პოტერები დახოცა. ლილის დაცვის წყალობით ჰარი სიკვდილს გადაურჩა. ამის შემდეგ სნეიპი გახდა დამბლდორის ჯაშუში. [[1981]] წელს იგი შხამ-წამლების მასწავლებელი გახდა. ვოლდემორის დაბრუნების შემდეგ პროფესორი სნეიპი [[ფენიქსის ორდენი|ფენიქსის ორდენის]] წევრი გახდა, ამასთანავე, დაარწმუნა ვოლდემორი თავის ერთგულებაში და გახდა ორმაგი აგენტი. [[1996]]-[[1997]] წლებში სნეიპმა ბნელი ძალებისაგან თავდაცვის მასწავლებლის პოსტი დაიკავა, ხოლო ვოლდემორის მმართველობისას დირექტორი გახდა. სნეიპი [[1998]] წლის 2 მაისს ვოლდემორის ბრძანებით მოკლა ნაგინიმ.
== ქათბერტ ბინსი ==
'''ქათბერტ ბინსი''' - მაგიის ისტორიის მასწავლებელი და ერთადერთი მასწავლებელი მოჩვენება ჰოგვორტსში. მისი დაბადებისა და გარდაცვალების წლები უცნობია. ბინსი ღრმა სიბერეში გარდაიცვალა, შემდეგ კი მოჩვენებად დაბრუნდა და მაგიის ისტორიის სწავლება განაგრძო.
== ჰორაციუს სლაგჰორნი ==
'''ჰორაციუს სლაგჰორნი''' - შხამ-წამლების მასწავლებელი და სლიზერინის თავმჯდომარე.
=== ბიოგრაფია ===
ჰორაციუს სლაგჰორნის დაბადების ზუსტი თარიღი უცნობია. ცნობილია, რომ ის ალბუს დამბლდორზე უმცროსია, ანუ დაიბადა [[1881]] წლის ზაფხულის შემდეგ. ჰოგვორტსში სწავლება პირველად 1920-იანი წლებიდან დაიწყო, [[1981]]-ში კი შეწყვიტა. ამ პერიოდში სლაგჰორნი სლიზერინის კლუბის თავმჯდომარე გახდა. მან შექმნა "სლაგჰორნის კლუბი", სადაც პერიოდულად იყრიდნენ თავს მისი საუკეთესო მოსწავლეები. შემდეგში ეს მოსწავლეები ჯადოქრული საზოგადოებისათვის ცნობილები გახდნენ. მათ შორის იყვნენ ბარნაბას კაფი, [[დილის მისანი|დილის მისნის]] რედაქტორი; გვენოგ ჯონსი - ქვიდიჩის კლუბის, "ჰოლიჰედ ჰარპიების" კაპიტანი და ასე შემდეგ. კლუბის წევრი იყო [[ტომ რიდლი|ტომ რიდლიც]], რომელსაც პროფესორი მაგიის მინისტრობას უწინასწარმეტყველებდა. [[1996]] წელს სლაგჰორნი დაუბრუნდა პოსტს პროფესორი დამბლდორის თხოვნით და "სლაგჰორნის კლუბი" განაახლა. [[1997]]-ში იგი კვლავ გახდა სლიზერინის კლუბის თავმჯდომარე.
