'''ღირსი სინკლიტიკია''' -— [[ალექსანდრია|ალექსანდრიელი]] წმინდანი, ხსენების დღე არის ძველი სტილით [[5 იანვარი]], ახალი სტილით - [[18 იანვარი]]. იგი შეძლებული ოჯახის ასული იყო. მომხიბლავი ქალწული სიყრმიდანვე მხოლოდ უფლის სათნოყოფაზე ფიქრობდა. მან გათხოვებაზე უარი განაცხადა და მარხვასა და ლოცვაში ატარებდა დღეებს. მშობლების სიკვდილის შემდეგ მან მთელი ქონება გლახაკებს დაურიგა, მონაზვნად აღიკვეცა და უსინათლო დასთან ერთად ერთი ნათესავის კუთვნილ [[აკლდამა]]ში დაემკვიდრა. როდესაც წმიდანის მოღვაწეობის ამბავი გახმიანდა, იქაურობას მრავალმა დედამ და ქალწულმა მიაშურა. ღირსი სინკლიტიკიაც მთელი ცხოვრების მანძილზე მოძღვრავდა დებს. 80 წლის წმიდანს მძიმე სენი შეეყარა. ახოვანმა მოსაგრემ ჭეშმარიტი ქრისტიანული მოთმინებით გაუძლო განსაცდელს და გარდაიცვალა [[350]] წელს, 83 წლის ასაკში.
==ლიტერატურა==
*„წმიდანთა ცხოვრება“, ტომი I, თბილისი, 2001 წ. გვ.24▼
▲„წმიდანთა ცხოვრება“, ტომი I, თბილისი, 2001 წ. გვ.24
