'''იბნ ალ-ჰაისამი''' (დ. [[965]], [[ბასრა]] — გ. [[1039]], [[ქაირო]]), — [[არაბები|არაბი]] მეცნიერი. ახალგაზრდობაშივე გადავიდა [[ეგვიპტე]]ში ([[კაირო]]ში), სადაც ხალიფა ალ-ფატიმას ემსახურებოდა. მას ეკუთვნის მრავალი შრომა [[ფიზიკა|ფიზიკის]], [[მათემატიკა|მათემატიკის]], [[მედიცინა|მედიცინისა]] და [[ფილოსოფია|ფილოსოფიის]] დარგში. განსაკუთრებით საინტერესოა მისი შრომა [[ოპტიკა]]ში, რომელიც პირველად [[1572]] წელს გამოქვეყნდა ([[ლათინური ენა|ლათინურ ენაზე]]). ეს შრომა ყველაზე სრულად გადმოსცემს იმდროინდელი ოპტიკურ საკითხებს. განსაკუთრებით საინტერესოა მონაცემები თვალის აგებულების შესახებ, რომელიც უახლოვდება თანამედროვე წარმოდგენას. მასში გამოთქმულია აგრეთვე სინათლის გავრცელების სიჩქარის სასრულობის ჰიპოთეზა. მის "ოპტიკაში"„ოპტიკაში“ მოცემულია კამერა-ობსკურას ერთ-ერთი ყველაზე ადრინდელი აღწერა.