'''ანრიჰენრი''' (დ. [[16 აპრილი]] [[1955]]) — [[ლუქსემბურგი|ლუქსემბურგის]] დიდი ჰერცოგი [[2000]] წლიდან, მას შემდეგ, რაც მამამისი, [[ჟანი (ლუქსემბურგი)|ლუქსემბურგის დიდი ჰერცოგი ჟანი]] მის სასარგებლოდ ტახტიდან გადადგა.
== მშობლები ==
ანრისჰენრის მშობლები [[ჟანი (ლუქსემბურგი)|დიდი ჰერცოგი ჟანი]] და ჰერცოგინია ჟოსეფინა-შარლოტა იყვნენ. ისინი 1953 წლის 9 აპრილს დაქორწინდნენ და ანრისჰენრის გარდა კიდევ ოთხი შვილი ეყოლათ. დედა - [[ბელგია|ბელგიის]] სამეფო ოჯახის წარმომადგენელი, ბელგიის მეფე [[ლეოპოლდ III|ლეოპოლდ III-ისა]] და დედოფალ ასტრიდის უფროსი და ერთადერთი ქალიშვილი იყო. ის 1927 წლის ოქტომბერში დაიბადა [[ბრიუსელი|ბრიუსელში]]. იგი სათავეში ედგა არაერთ საქველმოქმედო ორგანიზაციას, მათ შორის ლუქსემბურგის წითელ ჯვარს (1958 წლიდან). ჰერცოგინია 2005 წლის 10 ივნისს 77 წლის ასაკში ფილტვების კიბოთი გარდაიცვალა.
== განათლება ==
ანრიჰენრი დაიბადა [[1955]] წლის აპრილში, ბეთზდორფის ციხესიმაგრეში, ლუქსემბურგში. განათლება მიიღო როგორც სამშობლოში, ასევე საფრანგეთში, დაამთავრა [[ჟენევა|ჟენევის]] უნივერსიტეტი პოლიტიკური მეცნიერების სპეციალობით. ასევე მიიღო უმაღლესი სამხედრო განათლება სენდჰასის სამეფო სამხედრო კოლეჯში, [[დიდი ბრიტანეთი|ბრიტანეთში]]. მონარქი თავისუფლად ფლობს [[ფრანგული ენა|ფრანგულ]], [[ინგლისური ენა|ინგლისურ]] და [[გერმანული ენა|გერმანულ]] ენებს.
== პირადი ცხოვრება ==
თავის მომავალ მეუღლეს, მარია ტერეზა მესთრს, პრინცი შეხვდა შვეიცარიაში, ჟენევის უნივერსიტეტში სწავლისას. მიუხედავად პრინცის დედის წინააღმდეგობისა, ანრიჰენრი დაქორწინდა მარიაზე [[1981]] წლის [[14 თებერვალი|14 თებერვალს]] ლუქსემბურგში. სამეფო წყვილს შეეძინა ხუთი შვილი - 4 ვაჟი და ერთი ქალიშვილი. [[2006]] წლის [[12 მარტი|12 მარტს]] ჰერცოგსა და ჰერცოგინიას შეეძინათ შვილიშვილი - მათ მესამე ვაჟს - პრინც ლუის შეეძინა ვაჟი - გაბრიელი.
