'''სამბრი''' ({{lang-fr|Sambre;}}, {{lang-nl|Samber}}) — მდინარე [[საფრანგეთი|საფრანგეთსა]] და [[ბელგია]]ში, მდინარე [[მაასი]]ს მარცხენა შენაკადი. სიგრძე 193 კმ, აუზის ფართობი 2740 კმ². სათავე აქვს [[არდენები]]ს ჩრდილოეთ-დასავლეთ შტოქედებზე, [[ზღვის დონე|ზღვის დონიდან]] 199 მ სიმაღლეზე. დინების დიდი ნაწილი ვაკეზეა გაშლილი. საზრდოობს ძირითადად [[წვიმა|წვიმის]] წყლით. მაქსიმალური ჩამონადენი [[ზამთარი|ზამთარსა]] და [[გაზაფხული|გაზაფხულზეა]]. თითქმის მთელ სიგრძეზეა სანაოსნო. ქალაქ [[შარლერუა]]ს ქვემოთ გემებისთვის წყალწყვა 1500 მ-მდეა. მდინარე [[მაასი|მაასს]] უერთდება ქალაქ ნამიურთან. ნაპირზეა ქალაქები: [[მობეჟი]], [[შარლერუა]] და [[ნამიური]]. პირველი მსოფლიო ომის დროს მდინარესთან რამდენჯერმე ბრძოლა გაიმართა. მდინარეს ძველი რომაელები „საბისს“ უწოდებდნენ.
