ამერიკული შეხლა-შემოხლა

ამერიკული შეხლა-შემოხლა (ინგლ. American Hustle) — 2013 წლის კრიმინალური კომედიური დრამა, რომლის რეჟისორია დევიდ ოუენ რასელი. გადაღებულია ერიკ უორენ სინგერისა და საკუთრივ რასელის მიერ დაწერილი სცენარის მიხედვით. მონაწილეობენ კრისტიან ბეილი, ბრედლი კუპერი, ემი ადამსი, ჯერემი რენერი, ჯენიფერ ლოურენსი, რობერტ დე ნირო და სხვები. ფილმის პრემიერა შედგა 2013 წლის 12 დეკემბერს. ფილმის გამოსვლამდე კრიტიკოსებმა იგი მონათლეს როგორც ოსკარის 86-ე დაჯილდოების ერთ-ერთი მთავარი პრეტენდენტი. ფილმმა მიიღო ოსკარის 10 ნომინაცია, რომელთა შორის იყო: საუკეთესო სურათი, საუკეთესო რეჟისორი და საუკეთესო ორიგინალური სცენარი, თუმცა ვერცერთ კატეგორიაში ვერ გაიმარჯვა. ფილმმა სამი ოქროს გლობუსი მოიპოვა. ფინანსური თვალსაზრისით წარმატებული აღმოჩნდა. ფილმის ვითარება ხდება 1978 წელს. მოგვითხრობს თაღლითზე და მის პარტნიორზე, რომლებიც იძულებულნი არიან ითანამშრომლონ ფედერალურ საგამოძიებო ბიუროსთან, რათა დაეხმარონ სხვა თაღლითების, ყაჩაღების და პოლიტიკოსების დაჭერაში.

„ამერიკული შეხლა-შემოხლა“
რეჟისორი	დევიდ ოუენ რასელი
სცენარის ავტორი	ერიკ უორენ სინგერი დევიდ ოუენ რასელი
როლებში	კრისტიან ბეილი ბრედლი კუპერი ემი ადამსი ჯერემი რენერი ჯენიფერ ლოურენსი
კომპოზიტორი	დენი ელფმანი
ოპერატორი	ლინუს სანდგრენი