ვუპი გოლდბერგი: განსხვავება გადახედვებს შორის

'''ვუპი გოლდბერგი''' ({{lang-en|Whoopi Goldberg}}, ნამდვილი სახელი კერინ ჯონსონი; დ. [[13 ნოემბერი]], [[1955]], [[ნიუ-იორკი]]) — ამერიკელი მსახიობი-კომედიანტი და ტელეწამყვანი. გოლდბერგი იმ ცამეტ ადამიანთა შორისაა, რომელთაც მოგებული აქვთ [[ემი (ჯილდო)|ემის]], [[გრემი (ჯილდო)|გრემის]], [[ოსკარი]]სა და [[ტონი (ჯილდო)|ტონის]] ჯილდოები, ასევე [[დღის პროგრამებისთვის დაწესებული ემი]]. 1990 წელს ის ჰოტი მაკდენიელის შემდეგ მეორე აფრო-ამერიკული წარმოშობის მსახიობი გახდა, რომელმაც ამერიკის კინოაკადემიის უმაღლესი ჯილდო მიიღო. მას ორი [[ოქროს გლობუსი]] და ორი [[სატურნის ჯილდო]] აქვს მიღებილი „ვარსკვლავური გზის თაობასა“ და „[[მოჩვენება (1990 წლის ფილმი)|მოჩვენებაში]]“ შესრულებული როლებისთვის.

 

 

დაიბადა [[ნიუ-იორკი]]ს მეტწილად ემიგრანტებით დასახლებულ უბან [[ჩელსი (მანჰეტენი)|ჩელსიში]], ღარიბ ოჯახში. მეტსახელი ვუპი („whoopee cushion“-იდან, რაც ბალიშას ნიშნავს) კერინმა ბავშვობაშივე აირჩია როგორც სამსახიობო ფსევდონიმი. რვა წლიდან ერინ რუბენსტაინის სამოყვარულო თეატრის სცენაზეა; სწორედ ბავშვობაში მიიღო პირველად და უკანასკნელად სამსახიობო ოსტატობის გაკვეთილები. პედაგოგები გოგონაში ადრეგაღვიძებულ ნიჭს მაღალ შეფასებას აძლევდნენ.

სრულფასოვანი საერთო განათლება კერინს არ მიუღია: ის რამდენიმე წელიწადს ჩამორჩენილთა სიაში ირიცხებოდა, შემდგომ კი სკოლის სულ მიტოვებაც მოუწია, რადგან [[დისლექსია]] სჭირდა და კითხვაც კი არ შეეძლო გამართულად.

 

 

 

კერინს (ვუპის) ღამის გუშაგად, აგურების დამწყობად და მიცვალებულთა გრიმიორადაც კი მოუწია მუშაობა, სანამ საბოლოოდ, 1974 წელს ერთ-ერთი თეატრალური სააგენტოს მეშვეობით ქალაქ [[სან-დიეგო]]ს ახალგახსნილ თეატრში მსახიობის ვაკანსის არ მიაგნო. ელვინმა ნიუ-იორკის დატოვებაზე უარი განუცხადა ცოლს, ვუპის კი გული თეატრისკენ მიუწევდა; მათ განქორწინება მოუხდათ. კერინი ქალიშვილთან ერთად დასავლეთ სანაპიროზე გადაბარგდა.

 

 

თეატრალური კარიერა კერინმა უკვე ვუპი გოლდბერგის ფსევდონიმით დაიწყო. [[სან-დიეგო]]შო ვუპიმ საქალაქო თეატრის „რეფერთერი სიეთას“ შექმნაში მიიღო მონაწილეობა, შემდეგ კი [[სან-ფრანცისკო]]ს „ბლეკ სტრიტ სიეთაში“ გადავიდა. ვუპი რამდენიმე სამოყვარულო ჯგუფში თამაშობდა.

ერთ-ერთი მისი მთავარი და მნიშვნელოვანი როლი პიესა „დედილო კურაჟში“ შედგა. სწორედ მაშინ ვუპიმ, მთავარი პერსონაჟის განსახიერებასთან ერთად, ავადგამხდარი მსახიობის როლის შესრულებაც იკისრა და თავი წარმატებით გაართვა. ვუპი ღატაკიდან მილიონერ ქალამდე როლებს ასრულებდა. იმ ხანად ვუპის აზრად მოუვიდა ერთი მსახიობის თეატრი დაეარსებინა და მარტოს შეესრულებინა ხუთი-ექვსი როლი.

 

 

 

1985 წელს ვუპიმ შეიტყო, რომ [[ელის უოკერი]]ს ეპიკური რომანის „ლილისფერის“ გადაღება იგეგმებოდა, რომელიც აფროამერიკულ [[ქარწაღებულნი|ქარწაღებულებად]] მიიჩნევა, ავტორს წერილი გაუგზავნა, სადაც სთხოვა რაიმე როლი მიეცათ მისთვის. ელის უოკერმა, რომელიც ვუპის თეატრალურ ნამუშევრებს უკვე იცნობდა, რეჟისორ [[სტივენ სპილბერგი|სტივენ სპილბერგს]] სთხოვა ვუპისთვის როლი მიეცათ; რეჟისორის გადაწყვეტილებით, გოლდბერგს მთავარი როლი, ამერიკელი შავკანიანი ქალის სესილი ჯონსონის პერსონაჟის განსახიერება ერგო. ვუპის თვალშისაცემი შესრულების მანერა უყურადღებოდ არ დარჩენილა და [[ოქროს გლობუსი]]თა და [[ოსკარი|ოსკარზე]] წარდგენით აღინიშნა.