სოფელ გაჭედილისინჩხურის კანიონი მდებარეობს მდინარე [[აბაშა (მდინარე)|აბაშაზე]]. კანიონის სიგრძეა 2400 მ, ხოლო ჩაჭრის სიღმე – 20-40 მ. კანიონის შუა ნაწილში 12 მ სიმაღლის ჩანჩქერია.
[[კანიონი|კანიონში]] ინახება 75 მილიონი წლის წინ [[დედამიწა]]ზე მცხოვრები ცხოველების გაქვავებული ძვლები, რითაც ის მსოფლიოში მესამე აღმოჩენაა, რომლის ტერიტორიაზეც [[პრეისტორიული ხანა|პრეისტორიული ხანის]] ცხოველების ნაშთები ერთად დიდი რაოდენობთაა წარმოდგენილი. ეს აღმოჩენა [[2010]] წლის [[ივლისი|ივლისში]] [[ილიას სახელმწიფო უნივერსიტეტი|ილიას სახელმწიფო უნივერსიტეტთან]] არსებული დედამიწის შემსწავლელ მეცნიერებათა ინსტიტუტის სტუდენტთა და მაგისტრანტთა საველე-სასწავლო პრაქტიკის დროს გაკეთდა. [[აგვისტო]]ში [[ილიას სახელმწიფო უნივერსიტეტი|ილიას უნივერსიტეტმა]] საველე დაზვერვითი ექსპედიცია მოაწყო, რომელშიც მონაწილეობა მიიღეს პალეონტოლოგებმა ვიაჩესლავ ჩხიკვაძემ და ვასილ გაბუნიამ. ამ ექსპედიციების შემდეგ გაკეთდა განცხადება, რომ გაჭედილშიინჩხურში, მდინარე აბაშის ხეობაში [[დინოზავრი]]ს ორი ნატერფალი აღმოჩნდა<ref>[http://www.resonancedaily.com/index.php?id_rub=6&id_artc=3474 სენსაციური აღმოჩენა მარტვილში, გაზეთი რეზონანსი]</ref>. სოფელ გაჭედილისინჩხურის კანიონი [[2010]] წლის 4 ოქტომბერს ნაკრძალად გამოცხადდა<ref>[http://www.rustavi2.com.ge/news/news_textg.php?rec_start=24&rec_start_nav=0&id_news=38870&pg=1&srch_w=&im=main&srch=1&ct=0&wth=classp=menu_blue&l=0&ddd= მარტვილის რაიონში ხეობა ნაკრძალად გამოცხადდა]. რუსთავი 2.com 4 ოქტომბერი, 2010.</ref>. [[2011]] წელს ილიას უნივერსიტეტმა ხელმეორედ მოაწყო რამდენიმე საკვლევი ექსპედიცია გაჭედილისინჩხურის კანიონში. კანიონის ზოგიერთ მღვიმეში აღმოჩნდა უძველესი [[ადამიანი]]ს არსებობის ნაშთები, მათი ძვლები, ნასუფრალი. გარდა ამისა, ნაპოვნია ცხოველთა გადაშენებული სახეობების ძვლებიც, მათ შორის მღვიმის დათვისა და ბიზონის ნაშთები. ექპედიიციის ერთ-ერთი მონაწილის, ვასილ გაბუნიას თქმით, კანიონში აღმოჩენილი ნაკვალევი დინოზავრის ნაფეხურების მსგავსია, თუმცა ამაზე გადაჭრით საუბარი ძნელია, მანამ, სანამ არ მოხდება კვლევა და შესწავლა აღმოჩენილი მასალებისა<ref>[http://24saati.ge/index.php/category/society/science/2011-06-26/18041 დინოზავრის ნაკვალევზე მარტვილის ექსპედიციის სიახლეები, 24 საათი]</ref>.
