აკონკაგუა: განსხვავება გადახედვებს შორის

'''აკონკაგუა''' ({{lang-es|Aconcagua}}) — მწვერვალი [[სამხრეთი ამერიკა|სამხრეთ ამერიკაში]], [[არგენტინა]]ში, სამხრეთ ამერიკის ანდებში. სიმაღლე 6960 მ (უმაღლესი მწვერვალი [[დასავლეტი ნახევარსფერო|დასავლეთ]] და [[სამხრეთი ნახევარსფერო|სამხრეთ ნახევარსფეროში]]). მსოფლიოში ყველაზე მაღალი [[ბათოლითი]]. ჩრდილოეთი და დასავლეთი კალთები დამრეცია, სამხრეთ კალთაზეა კლდეებისა და ყინულების ციცაბო კედელია. აგებულია დანალექ ქანებზე შეცოცებული [[ანდეზიტი|ანდეზიტებით]], რის გამოც შეცდომით [[ვულკანი|ვულკანად]] იყო მიჩნეული. დაფარულია მუდმივი თოვლით. ფერდობებზე 7 [[მყინვარი]] ეშვება, რომელთა სიგრძე 6 კმ-მდეა. მის დალაშქვრას ართულებდა ყინულით დაფარული ფერდობის არსებობა. პირველად [[1897]] წელს ავიდა მასზე ექსპედიცია ედუარდ ფიცჯერალდის მეთაურობით. აკონკაგუა ინკური სახელწოდებაა და „თეთრ გუშაგს“ ნიშნავს. ვარაუდობენ, რომ კოლუმბისა და ესპანელი კონკისტადორების გამოჩენამდე ინკები ასული იყვნენ ანდების ასამდე მწვერვალზე, მათ შორის აკონკაგუაზე (მათს კვალს ამ მწვერვალის ფერდობებზე, 6600 მეტრის სიმაღლეზე მიაგნეს).