'''ერთგასავლიანები''' ({{lang-la|Monotremata}}), ''კვერცხისმდებლები'', [[ძუძუმწოვრები]]ს ქვეკლასირიგი. შეიცავს 2 ოჯახს: [[იქედნესებრნი|იქედნესებრნს]] და [[იხვნისკარტა]]სებრნს. ცნობილია ერთგასავლიანების 5 სახეობა. გავრცელებული არიან [[ავსტრალია]]ში, [[ტასმანია]]სა და [[ახალი გვინეა|ახალ გვინეაში]]. ერთგასავლიანები ძუძუმწოვრებს შორის გამონაკლისს წარმოადგენს - კვერცხს დებენ, ხოლო გამოჩეკილ ნაშიერს რძით კვებავენ მათი სარძევე ჯირკვლები მარტივია და აგებულებით ოფლის ჯირკვლების მსგავსია. ძუძუს კერტები არა აქვთ. ნაწლავი და შარდსასქესო მილი [[კლოაკა]]ში იხსნება. იქედნეს სხეულის ტემპერატურა 30°-მდე აღწევს; ხოლო იხვნისკარტასა 25°-მდე. ზრდადამთავრებულ ერთგასავლიანებს კბილები არა აქვთ. ახალგაზრდა იხვნისკარტას 10 სარძევე კბილი აქვს, რომლებიც ძლიერ ჰგვანან მეზოზოურ ერაში მცხოვრები ძუძუმწოვრების კბილებს. კუნთოვანი ტუჩები არ უვითარდებათ.
