'''აფთრისებრი ძაღლი''' ([[ლათ.]] {{lang-la|Lycaon pictus}}) — მტაცებელი [[ძუძუმწოვრები|ძუძუმწოვარი]] [[ძაღლისებრნი|ძაღლისებრთა]] ოჯახისა. სხეულის სიგრძე 1 მ-მდეა, კუდისა — 40 სმ-მდე, მასა — 25 კგ-მდე. ბალნიანი საფარველი მოხატული აქვს თეთრი, შავი და წითური ლაქებით, რის გამო მას „ჭრელ მგელსაც“ უწოდებენ. გავრცელებულია აფრიკის სავანებში, საჰარის სამხრეთით. აფთრისებრი ძაღლები ცხოვრობენ ხროვად (20-30 ერთად). ანადგურებენ [[ანტილოპა|ანტილოპებს]], [[ზებრა|ზებრებს]], [[სირაქლემა|სირაქლემებს]], შინაურ ცხოველებს და სხვა. ნადირობენ როგორც დღისით, ისე ღამით. ძუ ყრის 6-8 ლეკვს. ძნელად თვინიერდება. ტყვეობაში მრავლდება.