როსტომ გურიელი: განსხვავება გადახედვებს შორის

'''როსტომ გურიელი''' (გ. [[1566]]), [[გურიის სამთავრო|გურიის]] მთავარი [[1534]]-[[1566]] წლებში, [[მამია I გურიელი|მამია I გურიელის]] ძე.

==ბიოგრაფია==
აქტიურად იბრძოდა თურქეთის აგრესიის წინააღმდეგ, მონაწილეობდა [[მურჯახეთის ბრძოლა|მურჯახეთის]] ([[1535]]), [[ქარაღაქის ბრძოლა|ქარაღაქის]] ([[1543]]) და [[სოხოისტის ბრძოლა|სოხოისტის]] ([[1545]]) ბრძოლებში. მურჯახეთის ბრძოლაში დახმარებისათვის [[იმერეთის სამეფო|იმერეთის]] მეფემ უბოძა სამცხის სამთავროს ნაწილი - [[აჭარა]] და [[ჭანეთი]]. როსტომ გურიელის საქმიანობით განრისხებულმა [[ოსმალეთი|თურქებმა]] გურიაზე გაილაშქრეს. [[1547]] თურქთა ფლოტი გურიის სანაპიროს მიადგა, თურქებმა გონიოსა და [[ბათუმი]]ს მხარეები დაიკავეს. როსტომ გურიელმა დახმარება იმერეთის მეფესა და დადიანს სთხოვა. იმერეთის მეფის ინტრიგის გამო როსტომ გურიელი მტერს მარტო შეებრძოლა, დაამარცხა და მდინარე [[ჭოროხი]]ს გაღმა განდევნა. თურქებმა აჭარა და ჭანეთი მაინც შეინარჩუნეს, [[გონიოს ციხე]] გაამაგრეს და თავიანთ ფორპოსტად აქციეს. მომდევნო ხანებში როსტომ გურიელი თურქებთან ბრძოლას განაგრძობდა და არც იმერეთის მეფეს ემორჩილებოდა. დაკრძალულია [[შემოქმედის ეკლესია|შემოქმედში]].