'''ბობსლეი''' ({{lang-en|Bobsleigh}}) — [[ციგაობა|ციგაობის]] ნაირსახეობა; საჭიანი ციგით [[მთა|მთიდან]] სწრაფდაშვება საგანგებოდ მოწყობილ ტრასაზე. მოკვერცხილი ფორმის ლითონის ციგა შედგება სახსრულად შეერთებული ნწილებისაგანნაწილებისაგან: წინა მოძრავ ნაწილს აქვს საჭე, უკანას, უძრავს — მუხრუჭი. არსებობს 2- და 4-ადგილიანი ციგები. შეჯიბრების ჩასატარებელი ტრასა წარმოადგენს 1500-2000 მ სიგრძის, 5-, 8-ვირაჟიან ყინულის ღარს. სიჩქარე დაშვებისას არემატებააღემატება 100 კმ/სთ. ბობსლეი როგორც სპორტის სახეობა, ჩაისხა XIX საუკუნის ბოლოს შვეიცარიაში, შემდეგ გავრცელდა შვედეთში, რუმინეთში, პოლონეთში, აშშ-ში. 1888 წელს აქ ინგლისელმა ტურისტმა უილსონ სმიტმა ორი ციგა ფიცრით შეაერთა და ასეთი მარხილით იმოგზაურა სანქტ-მორიციდან ჩელერინამდე. XIX საუკუნის დამლევს სწორედ სანქტ-მორიცში ჩამოყალიბდა მსოფლიოში პირველი ბობსლეის სპორტული კლუბი, სადაც შემუშავდა შეჯიბრების ძირითადი წესები. პირველი ჩემპიონატები მოეწყო ავსტრიასა (1908) და გერმანიაში (1910). 1923 წელს შეიქმნა ბობსლეისა და ტობოგანის საერთაშორისო ფედერაცია. 1924 წლიდან შეტანილია ოლიმპიური თამაშების პროგრამაში: 1924-იდან — კაცები, 2002-იდან — ქალები. ბობსლეისტ ქალთა ოლიმპიური დებიუტი 2002 წელს მოეწყო სოლტ-ლეიკ-სიტიში. გაიმარჯვეს ამერიკელებმა – ჯილ ბაკენმა და ვონეტა ფლაუერსმა (2-ადგილიანი).
