'''რიჩარდ ნევილ უორვიკი''' (დ. [[22 ნოემბერი]], [[1428]] — გ. [[14 აპრილი]], [[1471]], [[ბარნიტი]]) — [[ინგლისი]]ს პოლიტიკური და სამხედრო მოღვაწე, გრაფი. მსხვილი ფეოდალი, [[ვარდების ომი]]სა და მთელი რიგი დინასტიური გადატრიალების აქტიური მონაწილე. ისტორიაში „მეფეების მკეთებლის“ სახელითაა ცნობილი. თავდაპირველად [[იორკები]]ს დინასტიას უჭერდა მხარს, შემდეგ გადავიდა მათ მოწინააღმდეგეთა მხარეზე და სამეფო ტახტი შეშლილ [[ჰენრი VI|ჰენრი VI ლანკასტერს]] შეუნარჩუნა. [[1461]] წელს უორვიკი [[ედუარდ IV|ედუარდ IV იორკის]] სასარგებლოდ გადატრიალების ერთ-ერთი ორგანიზატორი იყო, მაგრამ შემდგომში იმით უკმაყოფილო, რომ ედუარდ IV-მ მოინდომა აელაგმა ბარონები, კვლავ [[ლანკასტერები|ლანკასტერთა]] მხარეზე გადავიდა, აიძულა ედუარდ IV ინგლისიდან გაქცეულიყო; [[1470]] წლის ოქტომბერში სამეფო ტახტზე ჰენრი VI აღადგინა და ფაქტობრივად სახელმწიფოს მმართველი გახდა „მეფის მოადგილის“ ტიტულით.
[[1471]] წლის აპრილში ედუარდ IV-მ დაამარცხა უორვიკის ჯარები [[ბარნიტის ბრძოლა|ბარნიტთან ბრძოლაში]], სადაც იგი დაიღუპა.