ხენდრო: განსხვავება გადახედვებს შორის

'''ხენდრო''' ({{lang-la|Fragaria moschata}}) — მრავალწლოვანი ბალახოვანი მცენარე [[ვარდისებრნი|ვარდისებრთა]] ოჯახისა. მისი სიმაღლე 30-35 სმ აღწევს, აქვს სამყურა, დიდი, ღია მწვანე [[ფოთოლი]], თეთრი, ხუთფოთოლაკიანი, ჩვეულებრივ ცალსქესიანი [[ყვავილი]] (კულტურაში გვხვდება ორსქესიანი ყვავილებიც). ნაყოფი წვრილია, მოვარდისფრო-მოიისფრო, რბილობი — თეთრი, ტკბილი, ძლიერი სპეციფიკური არომატით. ხენდრო საკმაოდ ზამთარგამძლეა, ვერ იტანს [[გვალვა]]ს, უკეთ იზრდება და მსხმოიარობს ოდნავ ჩრდილიან ადგილებში. ველურად იზრდება [[ევროპა]]ში. ნაყოფს იყენებენ ნედლად და გადამუშავებული სახით ([[მურაბა]] და სხვა). ცნობილია ჯიშები: შპანკა, მილანური და სხვა. ხენდროს ხშირად არასწორად [[მარწყვი|მარწყვსაც]] უწოდებენ. ხენდრო ცნობილია აგრეთვე მუშკის მარწყვის სახელწოდებით. [[საქართველო]]ში ყველგანაა გავრცელებული.