მიხეილ ლაზარევი: განსხვავება გადახედვებს შორის

'''მიხეილ ლაზარევი''' — რუსეთის ფლოტის სარდალი, ზღვაოსანი, [[ადმირალი]] (1843). 1800 წელს შევიდა საზღვაო კადეტთა კორპუსში. [[1803|1803 წელს]] მიავლინეს ინგლისის ფლოტში, სადაც 5 წელი განუწყვეტელ ნაოსნობაში გაატარა. 1808-1813 წლებში მსახურობდა ბალტიის ფლოტში. [[რუსეთ-შვედეთის ომი]]სა (1808-1809) და [[საფრანგეთ-რუსეთის ომი (1812)|სამამულო ომის]] (1812) მონაწილე. 1813-1816 წლებში გემ „სუვოროვით“ იმოგზაურა დედამიწის გარშემო, კრონშტადტიდან [[ალასკა|ალასკის]] ნაპირებამდე და უკან, აღმოაჩინა სუვოროვის ატოლი. როგორც გემ „მირნის“ მეთაურმა და დედამიწის ირგვლივ ექსპედიციის უფროსის [[ფადეი ბელინსგაუზენი]]ს თანაშემწემ, 1819-1821 წლებში მონაწილეობა მიიღო [[ანტარქტიდა|ანტარქტიდისა]] და მრავალრიცხოვანი კუნძულების აღმოჩენაში. [[1822|1822 წელს]], როგორც ფრეგატ „კრეისერის“ მეთაურმა, მესამედ იმოგზაურა დედამიწის ირგვივ (1822-1825). ამ მოგზაურობის დროს ჩატარდა ფართო მეცნიერული გამოკვლევები [[მეტეოროლოგია]]ში, [[ეთნოგრაფია]]ში და სხვა. [[1826|1826 წლიდან]] მეთაურობდა სახაზო გემ „აზოვს“, რომლითაც მონაწილეობდა ადმირალ [[ლოგან გეიდენი]]ს ესკადრის ლაშქრობაში [[ხმელთაშუა ზღვა]]ზე, აგრეთვე [[ნავარინის ბრძოლა]]ში (1827). ამ ბრძოლაში თავის გამოჩენისათვის მიენიჭა [[კონტრ-ადმირალი]]ს წოდება. [[1828]]-[[1829|1829 წლებში]] ხელმძღვანელობდა [[დარდანელის ბლოკა]]დას, [[1830|1830 წელს]] დაბრუნდა [[კრონშტადტი|კრონშტადტში]] და მეთაურობდა ბალტიის ფლოტის ხომალდების რაზმს. [[1832|1832 წელს]] იყო [[შავი ზღვის ფლოტი]]ს შტაბის უფროსი. 1833 წლის თებერვალ-ივნისში სათავეში იდგა რუსეთის ფლოტის ექსპედიციას ბოსფორში (1833). 1833 წლიდან შავი ზღვის ფლოტისა და ნავსადგურების მთავარი მეთაური აგრეთვე [[სევასტოპოლი]]სა და [[ნიკოლაევი]]ს სამხედრო გუბერნატორი. ლაზარევმა აღზარდა ნიჭიერი ფლოტის მეთაურთა პლეადა ([[პავლე ნახიმოვი]], [[ვლადიმერ კორნილოვი]], [[ვლადიმერ ისტომინი]], [[გრიგორი ბუტაკოვი]] და სხვა).