ზედაზნის მონასტერი: განსხვავება გადახედვებს შორის

ადრეულ ეპოქაში აქ აღმართული ყოფილა [[ზადენი|ზადენის]] კერპი, რომლის ადგილას VI საუკუნის 40-იან წლებში [[ასურელი მამები|ასურელ მამას]] [[იოანე ზედაზნელი|იოანეს]] ქართული მონასტერი დაუარსებია. [[XIX საუკუნეშისაუკუნე]]ში ზედაზნის მონასტერში მოღვაწე ერთ-ერთ ქართველ მწიგნობრის [[მიქაელ წინამძღვარი|მიქაელ წინამძღვრის]] ინიციატივით დაიწერა იოანე ზედანელის ცხოვრების [[მეტაფრასი|მეტაფრასული]] რედაქცია.

სამონასტრო ნაგებობათაგან დღეისათვის შემორჩენილია ნათლისმცემლის სამნავიანი ბაზილიკა, რომელიც ააშენა კათალიკოსმა VIII საუკუნის დასასრულს (ადრინდელი დარბაზული ეკლესიის ადგილას). გეგმით კვადრატული ბაზილიკის შუა ნავი ვიწრო და მაღალია. აღმოსავლეთით ნახევარწრიული [[აფსიდა]] აქვს. შესასვლელი სამხრეთიდანაა (დასავლეთი შესასვლელი გვიანდელია). სამხრეთისა და ჩრდილოეთის ნავები მთავარ ნავს აგურის თაღოვანი გასასვლელებით უკავშირდება. ჩრდილოეთი ნავის აღმოსავლეთ ნაწილში მოქცეულია VI-VII საუკუნეების მიჯნაზე აგებული [[დარბაზული ეკლესია]], რომლის გეგმით სწორკუთხა აფსიდა გადახურილია კონუსურ ტრომპებზე დაყრდნობილი ნალისებრი კონქრით. საკურთხეველი აქ ოთხი საფეხურითაა ამაღლებული. იოანე ზედაზნელის ქვის კუბო (იგი [[XVII საუკუნეშისაუკუნე]]ში უნდა იყოს გაკეთებული), "პატიოსანი ლუსკუმა", ერთი მესამედით საკურთხეველშია შეჭრილი.

ეკლესიას სამხრეთით ეკვრის თლილი ქვით მოპირკეთებული, ცილინდრულ-კამარიანი კვადრატული კარიბჭე, რომლის ორფერდა სახურავზე აგურით ნაგები თაღებით ოთხმხრივ გახსნილი რვაწახნაგა სამრეკლო დგას, მის დასავლეთით გამოყოფილია მცირე სენაკი (ორივე [[XVIII საუკუნე]]). ზედაზნის მონასტერი რამდენჯერმე შეკეთდა. [[1970]]-[[1971]] ჩატარდა სარესტავრაციო და კეთილმოწყობის სამუშაოები.