'''იურისიურას რესპუბლიკა და კანტონი''' ({{lang-fr|''République et Canton du Jura''}}) — [[კანტონი (ადმინისტრაციული ერთეული)|კანტონი]] [[შვეიცარია]]ში. წარმოადგენს შვეიცარიის უახლეს კანტონს, რომელიც [[1979]] წელს შეიქმნა; მდებარეობს ქვეყნის ჩრდილო-დასავლეთ ნაწილში. დედაქალაქია [[დელემონი]]. ესაზღვრება [[ბაზელ-ლანდის კანტონი|ბაზელ-ლანდის ]] და [[ბერნის კანტონი|ბერნის კანტონები]], ასევე [[საფრანგეთი]]ს დეპარტამენტი [[დუ (დეპარტამენტი)|დუ]].
==ისტორია==
[[მეორე მსოფლიო ომი]]ს შემდეგ, [[ბერნის კანტონი]]დან იურისიურას გამოყოფის მოთხოვნით სეპარატისტული მოძრაობა დაიწყო. ხანგრძლივი და ნაწილობრივ შეიარაღებული ბროლის შემდეგ, რომელიც ახალგაზრდული ორგანიზაციის მხრიდან განხორციელებულ თავდასხმებსაც კი მოიცავდა, [[1977]] წელს კონსტიტუციაში ცვლილებები შევიდა. [[1978]] წელს, მას შემდეგ რაც ხალხმა ხმა მისცა, გაყოფა ოფიციალურად დამტკიცდა და [[1979]] წელს იურისიურას კანტონი შვეიცარიის კონფედერაციაში სრული წევრის სტატუსით შევიდა. ბერნის კანტონისგან დამოუკიდებლობის დღე [[23 ივნისი|23 ივნისს]] აღინიშნება. თუმცა, იურისიურას რეგიონის სამხრეთმა ნაწილმა, რომელიც ასევე [[ფრანგული ენა|ფრანგულენოვანია]], მაგრამ პროტესტანტი, ახალ კანტონს არ შეუერთდა და კვლავ ბერნის შემადგენლობაში დარჩა.
==გეოგრაფია==
იურისიურას კანტონი [[შვეიცარია|შვეიცარიის]] ჩრდილო-დასავლეთ ნაწილში მდებარეობს. სამხრეთით მოიცავს [[იურისიურას მთები]]ს გარკვეულ ნაწილს, ჩრდილოეთით კი [[იურისიურას ზეგანი|იურისიურას ზეგანს]]. ეს უკანასკნელი [[ბორცვი]]ანია და თითქმის მთლიანად [[ქვიშაქვა|ქვიშაქვებით]] არის აგებული. კანტონს ჩრდილოეთიდან და დასავლეთიდან [[საფრანგეთი]] ესაზღვრება.
