ტრიუფომ, ისევე როგორც ფრანგული ახალი ტალღის სხვა წარმომადგენელმა, [[ჟან-ლუკ გოდარი|ჟან-ლუკ გოდარმა]], მოღვაწეობა დაიწყო როგორც კინოკრიტიკოსმა. მისი პირველი აღიარებული ფილმი იყო „[[ოთხასი დარტყმა]]"“, რომელმაც ტრიუფოს მოუტანა [[კანის კინოფესტივალის ჯილდო საუკეთესო რეჟისორი]]სთვის. ფილმი ტრიუფოსთვის სანახევროდ ავტობიოგრაფიული იყო და ეხებოდა ბავშვს, რომელსაც კონფლიქტი აქვს მშობლებთან და საბოლოოდ სახლიდან გარბის. ფილმის გმირის [[ანტუან დუანელი]]ს ისტორია ტრიუფოს სხვა ფილმებშიც გაგრძელდა. ესენი იყო „[[ანტუანი და კოლეტი]]"“, „[[მოპარული კოცნები]]"“, „[[სუფრა და საწოლი]]"“ და „[[გაქცეული სიყვარული]]"“. ყველა მატგანში ანტუანის როლს ასრულებდა [[ჟან პიერ ლეო]]. განსხვავებით პირველი ფილმისგან, დუანელის სერიის სხვა ფილმები კომედიები იყო. ტრიუფო მოგვიანებით კვლავ დაუბრუნდა მოზარდების პრობლემებს და გადაიღო „[[ჯიბის ფული]]"“.
ტრიუფო ხშირად თავად მონაწილეობდა საკუთარ ფილმებში. ასეთები იყო „[[ველური ბავშვი]]"“, „[[მწვანე ოთახი]]"“ და „[[ამერიკული ღამე]]"“, რომელმაც მოიპოვა ოსკარი ნომინაციაში [[ოსკარი საუკეთესო უცხოენოვანი ფილმისთვის|საუკეთესო უცხოური ფილმი]] და [[ბაფტა საუკეთესო რეჟისურისთვის]].