ვენეტო: განსხვავება გადახედვებს შორის

'''ვენეტო''' ({{lang-it|Veneto}}, {{lang-la|Venetia}}) — რეგიონი [[იტალია|იტალიის]] ჩრდილო-აღმოსავლეთით, უკავია მდინარე [[პო (მდინარე)|პოს]] დელტა, აგრეთვე [[ალპები|ალპებისა]] და [[დოლომიტის ალპები|დოლომიტის მთები]], [[გარდა (ტბა)|ტბა გარდა]]. მისი [[მოსახლეობა]] 5 მლნ ადამიანია და ამ მხრივ იტალიის რეგიონებს შორის მე-5 ადგილზეა.

ათასწლეულზე მეტი ხნის განმავლობაში ვენეტო დამოუკიდებელი სახელმწიფო იყო — [[ვენეციის რესპუბლიკა]], რომელიც [[1866]] წელს, ავსტრიელი და ფრანგი მმართველობების დამარცხების შემდეგ საბოლოოდ შეიერთა [[იტალია]]მ. მისი დედაქალაქი იყო და არის [[ვენეცია]], რომელიც საუკუნეთა მანძილზე მართავდა მსოფლიოს ერთ-ერთ უმსხვილეს და უმდიდრეს საზღვაო რესპუბლიკასა და სავაჭრო იმპერიას. მდიდარი კულტურული მემკვიდრეობის გამო, მნიშვნელოვანი რაოდენობის ვენეტოელი საკუთარ თავებს უნიკალური იდენტობის ადამიანებად მიიჩნევენ და უარს ამბობენ მათს მიკუთვნებაზე იტალიურ ერთან, რეგიონული მთავრობა კი იმდენად შორს წავიდა, რომ მისი მაცხოვრებლები ოფიციალურრად განსაზღვრა როგორც უბრალოდ „ხალხი“.<ref>{{cite web|url=http://www.consiglioveneto.it/crvportal/leggi/1971/71ls0340.html |title=Consiglio Regionale Veneto - Leggi Regionali |publisher=Consiglioveneto.it |date= |accessdate=2010-04-24}}</ref>

ერთ დროს [[ვენეციის რესპუბლიკა|ვენეციის რესპუბლიკის]] გული, ვენეტო დღეს იტალიის უმდიდრესი, ყველაზე განვითარებული და ინდუსტრიალიზებული რეგიონია. ფლობს ქვეყნის უმდიდრეს ისტორიულ, ბუნებრივ, ხელოვნების, კულტურულ, მუსიკალურ და კულინარიულ მემკვიდრეობას. ამავე დროს ის იტალიის ყველაზე მონახულებადი რეგიონია 60 მლნ [[ტურიზმი|ტურისტით]] ყოველწლიურად (2007).<ref>{{cite web|url=http://statistica.regione.veneto.it/ENG/Pubblicazioni/RapportoStatistico2007/Capitolo01b.jsp#top |title=Statistical Report 2007 - Chapter 1.2 - Production sectors |publisher=Statistica.regione.veneto.it |date= |accessdate=2009-05-06}}</ref> გარდა [[იტალიური ენა|იტალიურისა]], მოსახლეობის უმრავლესობა ლაპარაკობს [[თანამედროვე ვენეტური ენა|ვენეტურ ენაზეც]]. ხანგრძლივი ისტორიის მანძილზე, ვენეტო მასიურ მიგრაციებს განიცდიდა და დღესაც, იტალიის მასშტაბით იგი ლიდრეობს იმიგრანტთა მიღებაში, [[2008]] წელს მან 454 453 უცხოელი იმიგრანტი მიიღო, რომელთა უმრავლესობაც [[რუმინელები|რუმინელი]] და [[მაროკოელები|მაროკოელია]].<ref>{{cite web|url=http://demo.istat.it/str2008/index.html |title=Statistiche demografiche ISTAT |publisher=Demo.istat.it |date= |accessdate=2010-04-24}}</ref>

* [http://www.regione.veneto.it/channels ოფიციალური ვებ-გვერდისაიტი]