წყალბურთი: განსხვავება გადახედვებს შორის

'''წყალბურთი''' – მსოფლიოს მრავალ ქვეყანაში გავრცელებული გუნდური სპორტული თამაში, სადაც შვიდი წევრისაგან (ერთი მეკარე) შემდგარი ორი გუნდი ეთამაშება ერთმანეთს. მოწინააღმდეგეთა მიზანია საკუთარი კარის დაცვა და მეტოქე გუნდის კარში ბურთის გატანა.

[[1869]] წელს [[ინგლისი]]ს ქალაქ [[ბორნმუთი]]ს ნიჩბოსანთა კლუბის წევრებმა ვარჯისისას მოიგონეს თამაში, რომელსაც დღეს მსოფლიო წყალბურთის (Water - წყალი, polo - სპორტის სახეობა) სახელით ვიცნობთ. მალე ამ თამაშმა ლონდონამდე ჩააღწია და იკვე [[1870]] წელს პირველი მარტივი წესებიც შეიქმნა. [[1874]] წელს [[ლონდონი|ლონდონში]] პირველი ოფიციალური მატჩი მოეწყო. [[1984]] წელს კი პირველი ჩემპიონტიც ჩატარდა. პირველი საერთაშორისო შეხვედრა [[1890]] წელს შედგაგაიმართა ინგლისელ და შოტლანდიელ წყალბურთელებს შორის (მატჩი შოტლანდიელებმა მოიგეს ანგარიშით 4-0). [[1892]] წელს ინგლისური და შოტლანდიური წესების შერწყმით [[ლივერპული|ლივერპულში]] გაფორმდა ახალი ოფიციალური წესები. შოტლანდიელებმა შეცვალეს ბურთიც (მანამდე ფეხბურთის ბურთით თამაშობდნენ) და უფრო მოხერხებული ბურთით დაიწყეს თამაში. XIX საუკუნის ბოლოს წყალბურთი ევროპაში და ამერიკაშიც გავრცელდა ([[უნგრეთი]], [[გერმანია]], [[საფრანგეთი]], [[ბელგია]],[[აშშ]]). პირველი ამერიკული კლუბი [[1888]] წელს შეიქმნა ქალაქ [[ბოსტონი|ბოსტონში]]. უკვე [[1900]] წელს წყალბურთი [[პარიზი]]ს [[ზაფხულის II ოლიმპიური თამაშები]]ს პროგრამაშიც შეიტანეს. ამერიკელებს თამაშის საკუთარი წესები ქონდათ, რის გამოც ევროპული გუნდები მათთან თამაშზე უარს ამბობდნენ. ამიტომ [[1911]] წელს [[ცურვის საერთაშორისო ფედერაცია]]მ თავის წევრ ქვეყნებს ინგლისური წესებით თამაში მოსთხოვა. ამან წყალბურთი კიდევ უფრო პოპულარული გახადა და მის გავრცელებასაც შეუწყო ხელი. [[1926]] წელს [[ცურვის საერთაშორისო ფედერაცია]]ში შეიქმნა წყალბურთის კომისია, რომელსაც დაევალა კიდეც მსოფლიოში წყალბურთის განვრცობა და განვითრება.

წყალბურთში, ისევე როგორც სპორტის ბევრ სხვა სახეობაში უმთავრესი ტურნირია ოლიმპიური თამაშების პროგრამით გათვალისწინებული წყალბურთელთა ტურნირი, რომელსაც ცურვის საერთაშორისო ფედერაცია საერთაშორისო ოლიმპიურ კომიტეტთან ერთად ატარებს. ასევე უმნიშვნელოვანესი ტურნირია [[მსოფლიოს ჩემპიონატი წყალბურთში ვაჟთა შორის|მსოფლიოს ჩემპიონატები ვაჟთა]] და [[მსოფლიოს ჩემპიონატი წყალბურთში ქალთა შორის|ქალთა შორის]]. გარდა ამისა ტარდება [[მსოფლიოს თასი წყალბურთში ვაჟთა შორის|მსოფლიოს თასი წყალბურთში ვაჟთა]] და [[მსოფლიოს თასი წყალბურთში ქალთა შორის|ქალთა შორის]]. ტარდება აგრეთვე [[მსოფლიო ლიგა წყალბურთში ვაჟთა შორის|მსოფლიოს ლიგის გათამაშება ვაჟთა]] და [[მსოფლიო ლიგა წყალბურთში ქალთა შორის|ქალთა შორის]]. გარდა ამისა კონტინენტალური კონფედერაციები ატარებენ თავიანთი კონტინენტების ჩემპიონატებს როგორც ვაჟთა, ასევე ქალთა შორის. გარდა ამისა ტარდება საკონტინენტო ტურნირები საკლუბო გუნდებს შორის.